“Эдийн засгийн түншлэлийн тухай Япон улс, Монгол улс хоорондын хэлэлцээр”-ийн хүрээнд танд хүндрэл, бэрхшээл тулгарч байна уу
“Эдийн засгийн түншлэлийн тухай Япон улс, Монгол улс хоорондын хэлэлцээр”-ийг ашиглахтай холбоотойгоор бизнес эрхлэгч танд хүндрэл, бэрхшээл тулгарч байвал та бидэнд хандана уу.
“Эдийн засгийн түншлэлийн тухай Япон улс, Монгол улс хоорондын хэлэлцээр” /Japan- Mongolia Economic Partnership Agreement/ 2016 оны 06 дугаар сарын 07-ны өдрөөс хэрэгжиж эхэлсэн. Хэлэлцээр хэрэгжиж эхэлснээр монголын аж ахуйн нэгжүүд Японы зах зээлд 9,300 орчим төрлийн бараа бүтээгдэхүүнийг импортын гаалийн татварын хөнгөлөлттэйгээр экспортлох боломжоор хангагдсан юм.
Хэлэлцээрийг хэрэгжүүлж эхэлсэн хугацаанаас хойш хоёр талын худалдааны эргэлт нэмэгдэж, Монгол Улсаас Япон Улсад экспортлож буй барааны нэр төрөл, хэмжээ өсч, мөн Япон Улсаас Монголд Улсад оруулах хөрөнгө оруулалтын хэмжээ нэмэгдэж байна. Хэлэлцээрийн хэрэгжилтийг хангах, түүний ашиглалтыг сайжруулахад уг хэлэлцээрийн мэдээллийг илүү хүртээмжтэй болгох, аж ахуйн нэгжүүдэд тулгарч буй саад, тотгорыг бууруулах нь нэн чухал билээ.
Хэлэлцээрийн ашиглалтыг сайжруулж үндэсний экспортыг нэмэгдүүлэх зорилтын хүрээнд МҮХАҮТ нь Гадаад харилцааны яам (ГХЯ)-тай хамтран уулзалт, хэлэлцүүлэг зохион байгуулахаар төлөвлөн ажиллаж байсан боловч Монгол Улсын Онцгой комиссоос шинэ коронавирусийн болзошгүй эрсдлээс урьдчилан сэргийлэх зорилгоор олон нийтийг хамарсан төрөл бүрийн арга хэмжээ зохион байгууллахыг түр хугацаагаар хязгаарлахаар шийдвэрлэсэнтэй холбогдуулан аж ахуйн нэгжүүдийн санал, хүсэлтийг цахимаар авахаар шийдвэрлээд байна.
Иймд тус хэлэлцээрийг хэрэгжүүлэхтэй холбоотой санал, хүсэлт, тулгарч буй хүндрэл, бэрхшээлийн талаарх мэдээллийг энэ оны 02 сарын 15-ны дотор МҮХАҮТ, Гадаад харилцаа, хамтын ажиллагааны газрын мэргэжилтэн Г.Мөнхзулд доорх хаягаар хавсралтыг бөглөн ирүүлэхийг хүсье.
Утас: (976) 99036193
Цахим шуудан: foreignrelations@mongolchamber.mn
Жич: Аж ахуйн нэгжүүдээс ирүүлсэн санал, хүсэлтэд тусгагдсан зарим нийтлэг асуудлуудыг ГХЯ-аар дамжуулан айлын талд тавьж шийдвэрлүүлэх чиглэлээр ажиллахаар МҮХАҮТ-аас төлөвлөж байгаа болно.
