"МОНГОЛД ХЭРХЭН БИЗНЕС ЭХЛҮҮЛЭХ ВЭ?" СЕМИНАР ЗОХИОН БАЙГУУЛАГДЛАА
Японы Гадаад Худалдааны Байгууллага (JETRO) болон Эдийн засаг хөгжлийн яам хамтран зохион байгуулсан "Монголд хэрхэн бизнес эхлүүлэх вэ?" семинарыг Японы ААН-үүдийн төлөөлөлд зориулан зохион байгуулав.
Семинарыг Эдийн засаг хөгжлийн яамны Төрийн нарийн бичгийн дарга И.Батхүү болон Япон Улсаас Монгол Улсад суугаа Элчин сайдын яамны Эдийн засгийн хэлтсийн дарга Оцүка Коки нар нээж үг хэлэв.
МҮХАҮТ-ын Ерөнхий нарийн бичгийн дарга Б.Саруул Япон Улсын 20 гаруй компанийн 35 гаруй төлөөлөгчид Монголын бизнес, эдийн засгийн хөгжлийн талаар болон Монголын ААН-үүдэд хөрөнгө оруулах боломжуудын талаар танилцуулан илтгэл тавив. Хоёр улсын худалдааны эргэлт өнгөрсөн онд 1,01 тэрбум ам долларт хүрсэн бөгөөд энэ нь өнгөрсөн онтой харьцуулахад буурсан үзүүлэлт юм. Тиймээс энэхүү өдөрлөгөөр дамжуулан Японы ААН-үүдэд Монгол улсын бизнесийн таатай орчин болон хөрөнгө оруулах боломжтой салбаруудыг танилцууллаа. Ингэснээр хоёр улсын худалдааны эргэлт цаашид тогтворжиж, экспорт импортын хэмжээ тэнцүүлэх үйл ажиллагаа цаашид нэмэгдэх боломжийг нээж байна. Монгол Улс хамгийн анхны Чөлөөт худалдааны хэлэлцээрийг Япон Улстай амжилттай хийсэн бөгөөд 11 дэх жилдээ амжилттай хэрэгжиж байна.
Хэлэлцээрийн үр дүнд өнгөрсөн жилээс эхлэн Японы томоохон ундааны "Ито Эн" компани Монгол чацарганыг импортлон авч, алим чацарганын ундааг үйлдвэрлэн, худалдаанд амжилттай гаргалаа. Энэхүү хэлэлцээрийг илүү үр дүнтэй байлгахад хоёр орны хувийн хэвшлүүдийн хамтын ажиллагаа, экспорт, импорт чухал ач холбогдолтой бөгөөд МҮХАҮТ нь хоёр орны төр болон хувийн хэвшлийг дэмжин ажиллахад нээлттэй байна.
