IHEC 2026: ХАЛАЛ ЭДИЙН ЗАСГИЙН ДЭЛХИЙН ЧУУЛГАН ЭХЭЛЛЭЭ
IHEC 2026 – Халал эдийн засгийн дэлхийн чуулган албан ёсоор эхэлж, IHEC & World Islamic Economy Development (WIED)-ийн албан ёсны нээлт болжээ. Нээлтийн үгийг Малайзын Шадар сайд YAB Datuk Amar Haji Fadillah bin Haji Yusof хэлсэн бол Олон улсын Нийгэм, улс төр, төрийн удирдлагын институт (ISPA)-ийн төлөөлөл чуулганд оролцогчдод мэндчилгээ дэвшүүлэв.
Чуулганы үеэр “Global Halal Economy 2026: Хурдтай өөрчлөгдөж буй зах зээлийн стратегийн төлөв”, “Halal эдийн засаг хил хязгааргүй: Олон улсын зах зээлийн нэвтрэлт ба өсөлтийн хөшүүргүүд”, “Halal-ын дэлхийн тэлэлтэд Засгийн газар–Хувийн хэвшлийн хамтын ажиллагаа” зэрэг сэдвүүдийг хамруулан бодлого тодорхойлогчид, их дээд сургуулийн удирдлагууд болон олон улсын байгууллагын төлөөллүүд илтгэл тавьж, санал солилцон хэлэлцүүлэг өрнүүлэв.
Чуулганд оролцогчид халал нь зөвхөн эдийн засгийн хэрэгсэл төдийгүй ирээдүй үеийнхэнд өвлүүлэх аманат гэдгийг онцолж, үүнийг мэдлэг, шударга байдал, тууштай байдлаар хамгаалах нь хамтын хариуцлага болохыг санууллаа. Энэхүү чуулган нь бодлогын уялдаа, мэдлэгийн солилцоо, стратегийн хамтын ажиллагааг гүнзгийрүүлж, хэлэлцүүлгээс гарсан санаачилгууд бодит үр дүнд хүрнэ гэдэгт оролцогчид итгэлтэй байгаагаа илэрхийллээ.
Монгол Улсаас МҮХАҮТ анх удаа групп бүрдүүлэн, Булган Мах Маркет ХХК, Дорнод Мах Маркет ХХК, Дунфан Интернейшнл ХХК, Хустайн Хянган ХХК, Эрүүл Монгол Мах ХХК, Тара Ланд ХХК болон Стандарт, Хэмжил Зүйн Газрын төлөөлөл оролцож байгаа нь Монгол Улсын халал бүтээгдэхүүн, үйлчилгээний экспорт, олон улсын хамтын ажиллагааг өргөжүүлэхэд чухал ач холбогдолтойг талууд онцлов.
