ХОЁР УЛСЫН ТАНХИМУУД ХУДАЛДАА, ХӨРӨНГӨ ОРУУЛАЛТЫГ ДЭМЖИХЭД САНАЛ НЭГДЭВ

МҮХАҮТ-ын Ерөнхий нарийн бичгийн дарга Б.Саруул Мехсикийн Үндэсний Худалдаа, Үйлчилгээ, Аялал Жуулчалын Танхимуудын холбооны Дэд Ерөнхийлөгч Даниелла Мартинез онлайн уулзалт хийлээ.

Уулзалтын үеэр Ерөнхий нарийн бичгийн дарга Б.Саруул өнөөгийн Монголын худалдаа болон хөрөнгө оруулалтын талаарх илтгэл тавьж, Монгол Улс болон Хойд Америкийн улсууд хооронд дахь худалдаа хэрхэн хөгжих боломжуудын талаар хэлэлцлээ.

Өнгөрсөн онд хоёр улсын дипломат харилцаа тогтоосны түүхт 50н жилийн ой тохиосон бөгөөд жил бүр хамтын ажиллагаа өргөжин тэлж байна. Мөн 2025 оны эцсийн байдлаар Монгол-Мексикийн нийт худалдааны эргэлт 28.9 сая ам долларт хүрсэн байна. Монголын талаас сүлжмэл цамц, хувцас болон арьс шир экспортлож, Мексикийн талаас угаалгын шингэн, автомашин болон бусад өргөн нэр төрлийн барааг импортлон хэрэглэж байна.