ХЯТАД-МОНГОЛЫН БИЗНЕСИЙН ТҮНШЛЭЛИЙГ БЭХЖҮҮЛЭХ АРГА ХЭМЖЭЭ БОЛЛОО
Азийн Уул уурхайн Хорооны хаврын баярын уулзалт болон Тунжэн Уул уурхайн компанийн 6 жилийн ойн арга хэмжээний хүрээнд Монгол-Хятадын бизнесийн салбарын өндөр түвшний уулзалт амжилттай зохион байгуулагдлаа. Уулзалтад хоёр улсын төрийн болон төрийн бус байгууллага, бизнесийн төлөөллүүд оролцож, салбарын хамтын ажиллагааны ирээдүйн чиг хандлагыг хэлэлцэв.
Арга хэмжээний үеэр Монгол улсын Аж үйлдвэр, эрдэс баялгийн яамны Дэд сайд Б.Энхтүвшин болон МҮХАҮТ-ын Ерөнхийлөгч Б.Лхагважав нар илтгэл тавьж, Монгол улсын уул уурхай, үйлдвэрлэлийн салбарын хөгжлийн боломж, хөрөнгө оруулалтын таатай орчны талаар мэдээлэл өглөө.
Мөн БНХАУ-ын талаас Хятадын Инженерийн Академийн академич Мао Жинг вэн болон холбогдох албаны хүмүүс оролцож, "Нэг бүс нэг зам" санаачилгын хүрээнд хэрэгжиж буй технологийн лабораторийн ач холбогдлыг онцлов. Стратегийн түншлэл ба шинэ төслүүд "ТУНЖЭН майнинг инвестмент" групп компани үйл ажиллагаагаа өргөжүүлэх хүрээнд салбартаа тэргүүлэгч байгууллагуудтай стратегийн хамтын ажиллагааны гэрээ үзэглэлээ.
Энэхүү арга хэмжээ нь Хятад-Монголын уул уурхай, эрчим хүчний салбарын хамтын ажиллагааг зөвхөн олборлолтоор хязгаарлахгүй, өндөр технологи, инновац болон нэмүү өртөг шингэсэн үйлдвэрлэлийн шатанд гаргахад чухал түлхэц болж байна. Талууд цаашид бизнесийн тогтвортой хэлхээ холбоог бэхжүүлж, харилцан ашигтай хөрөнгө оруулалтын төслүүдийг дэмжин ажиллахаа илэрхийлэв
