"БИЗНЕСИЙН АМЖИЛТЫН ГҮҮР МҮХАҮТ, MEMBER CARE EVENT АРГА ХЭМЖЭЭ АМЖИЛТТАЙ БОЛЛОО
Монголын Үндэсний Худалдаа Аж Үйлдвэрийн Танхим (МҮХАҮТ)-ын Их Танхимд гишүүд болон бизнес эрхлэгчдэд зориулсан “Member Care Event” арга хэмжээ амжилттай боллоо. Өдөрлөгийн үеэр танхимын үйл ажиллагаа, шинэ стандартууд болон бизнес эрхлэгчдэд олгох боломжуудын талаар мэдээлэл өгч, шинэ гишүүдэд батламж гардуулав.
МҮХАҮТ-ын Гүйцэтгэх захирал Ц.Магнайбаатар өдөрлөгийг нээж, ГСТАХГ-ын дарга М.Очирбат танхимын нэгдсэн танилцуулга болон гишүүнчлэлийн үнэ цэнийн талаар мэдээлэл өглөө.
Нийцлийн менежментийн тогтолцоо: ISO 37301:2021/MNS 37301:2022 стандартын шаардлага, хэрэгжүүлэх арга зүйн талаар СХЗГ-ын ахлах мэргэжилтэн Ч.Пүрэвдулам илтгэл тавьж, бизнес эрхлэгчдэд зөвлөгөө өгөв.
Цахим гарал үүслийн гэрчилгээ: Гадаад худалдааны бичиг баримт баталгаажуулалтын процесс болон цахим шилжилтийн талаарх шинэлэг мэдээллийг танилцууллаа.
B2B Networking: Оролцогч аж ахуйн нэгжүүд нэрийн хуудас солилцож, бүтээгдэхүүн үйлчилгээгээ танилцуулан, хамтран ажиллах санал солилцох боломжийг бүрдүүлэв.
Мөн Голомт банкны дэмжлэгтэйгээр эмэгтэй бизнес эрхлэгчдийг дэмжих зорилготой “Women Owned” тохирлын гэрчилгээг гардуулах ёслолын ажиллагаа болсон юм. Энэхүү батламж нь эмэгтэйчүүдийн удирдаж буй бизнесийг зах зээлд таниулах, дэмжлэг үзүүлэхэд чухал ач холбогдолтойг Голомт банкны төлөөлөл Т.Маралмаа онцоллоо.
Арга хэмжээний төгсгөлд МҮХАҮТ-ын Гүйцэтгэх захирал Ц.Магнайбаатар болон Дэд захирал Ч.Баттулга нар шинэ гишүүдэд Гишүүнчлэлийн гэрчилгээ гардууллаа.
