Хөгжлийн цогц төлөвлөгөө боловсруулах төслийг хэлэлцлээ
Үндэсний хөгжлийн газар, Барилга, хот байгуулалтын яам, “Жайка” Олон улсын хамтын ажиллагааны нийгэмлэг болон МҮХАҮТ хамтран “Хөгжлийн цогц бодлого” хэлэлцүүлгийг зохион байгууллаа.
Тус хэлэлцүүлэгээр Монгол Улсын хүн амын нутагшилт, суурьшлын хөгжлийн ерөнхий төлөв, Үндэсний хөгжлийн цогц төлөвлөгөө төсөл ба аймгуудын хөгжлийн асуудал, мөн 21 аймгийн хөгжлийн бодлого, төлөвлөлтийн талаар хэлэлцлээ.
МҮХАҮТ-ын ерөнхийлөгч О.Амартүвшин “Орон нутгийн бизнесийн орчны судалгааны үр дүн, төр хувийн хэвшлийн хамтын ажиллагааг эрчимжүүлэх нь” сэдвээр илтгэл танилцуулав.
Орон нутагт үйл ажиллагаагаа явуулж буй аж ахуйн нэгж байгууллагуудын 33 хувь нь худалдаа үйлчилгээний салбарт үйл ажиллагаа явуулж байна. Бизнесийн орчинд банкны зээлийн хүү өндөр, гадаад валютын ханшийн хэлбэлзэл болон боловсон хүчний ур чадварын дутмаг байдал гэх мэт асуудлууд тулгарч буй нь судалгааны үр дүнд гарсан. Орон нутагт тулгамдаж буй асуудлын шийдэлд төр хэрхэн нөлөөллийг үзүүлдэг вэ гэсэн судалгаанд 69 хувь нь хувийн хэвшлийн санал хүсэлтийг хүлээн авалгүйгээр шийдвэр гаргадаг гэсэн үзүүлэлттэй байна. Иймээс бид төр хувийн хэвшлийн хамтын ажиллагааг өргөжүүлэн нэг зорилготой, шийдлийн төлөө хамтдаа хэлэлцэж бодит үр дүнг гаргах нь Монгол улсын эдийн засаг, бизнесийн салбарын хөгжилд чухал ач холбогдолтой" хэмээн илтгэлдээ онцоллоо.
