ЛАБОРАТОРИЙН ЧАНАРЫН МЕНЕЖМЕНТИЙН ШИНЭ МЭРГЭЖИЛТНҮҮД БЭЛТГЭГДЛЭЭ
МҮХАҮТ-аас лабораторийн итгэмжлэлийн бэлтгэлийг хангах, чанарын тогтолцоог олон улсын түвшинд хүргэх зорилгоор зохион байгуулсан "ISO/IEC 17025:2017 – Лабораторийн менежментийн тогтолцоог хэрэгжүүлэх практик сургалт" амжилттай болж өндөрлөлөө.
Сургалтын үр дүнд оролцогчид стандартын шаардлагуудыг бодит ажил дээр хэрхэн оновчтой нэвтрүүлэх арга зүйд суралцаж, лабораторийн үйл ажиллагаанд тулгарч болох эрсдэл болон боломжийг зөв тодорхойлж удирдах чадварыг эзэмшлээ. Мөн итгэмжлэлд системтэйгээр бэлтгэх арга барилд суралцсан мэргэжилтнүүд ийнхүү гэрчилгээгээ гардан авснаар лабораторийнхоо менежментийг олон улсын түвшинд хүргэх түүчээ нь болж байна.
Мөн энэхүү сургалт нь лабораторийн үйл ажиллагааг зөвхөн техникийн түвшинд бус, удирдлага болон чанарын цогц тогтолцоо хэлбэрээр харж, хөгжүүлэх бодит хөшүүрэг боллоо. Төгсөгчид маань одоо өөрсдийн лабораторид стандартыг "цаасан дээр биш, бодит ажилд" нутагшуулах бүрэн боломжтой болж байна.
МҮХАҮТ-ын зүгээс стандартыг хэрэгжүүлэгч, чанарыг эрхэмлэгч нийт мэргэжилтнүүддээ хандан, Монгол Улсын лабораторийн салбарыг олон улсад хүлээн зөвшөөрөгдөхөд үнэтэй хувь нэмэр оруулж буйд талархал илэрхийлэхийн зэрэгцээ сургалтаа амжилттай төгссөнд баяр хүргэн амжилт хүсэв.
