МҮХАҮТ FOREST X КОМПАНИТАЙ КАРБОН КРЕДИТИЙГ ХӨГЖҮҮЛЭХ ТӨСЛИЙН ЧИГЛЭЛЭЭР ХАМТРАН АЖИЛЛАХ БОЛОМЖИЙГ ХЭЛЭЛЦЛЭЭ
МҮХАҮТ Forest X компанитай карбон кредитийн төслийг хөгжүүлэх чиглэлээр хамтран ажиллах боломжийг хэлэлцлээ
Монголын Үндэсний Худалдаа Аж Үйлдвэрийн Танхимын Гүйцэтгэх захирал Ц.Магнайбаатар Forest X компанийн үүсгэн байгуулагчдыг хүлээн авч уулзлаа.
Forest X нь уур амьсгалын өөрчлөлттэй тэмцэх зорилгоор Монгол Улсын үлдсэн 6 хувийн ойн нөөцийг хамгаалах, сэргээх, тэлэхэд чиглэсэн төслүүдийг хэрэгжүүлэхээр ажиллаж буй ойн нүүрстөрөгчийн салбарын төслийн хөгжүүлэгч байгууллага юм. Тус компани нь Индонез Улсад амжилттай хэрэгжиж, НҮБ-аар хүлээн зөвшөөрөгдсөн Rimba Raya ойн хамгаалал, нүүрстөрөгчийн төслийн туршлагад тулгуурлан Монгол Улсад хэрэгжүүлэх төслийн бүтэц, аргачлалыг боловсруулахаар төлөвлөж байгаагаа танилцуулав.
Уулзалтын үеэр Forest X компанийн үйл ажиллагаа, зорилго, Монгол Улсад хэрэгжүүлэхээр төлөвлөж буй ойн хамгаалал болон карбон кредитийн төслүүдийн талаар дэлгэрэнгүй санал солилцлоо. Мөн Монгол Улсад нүүрстөрөгчийн кредиттэй холбоотой эрх зүйн орчны өнөөгийн нөхцөл байдал, тулгамдаж буй асуудлууд болон цаашдын хамтын ажиллагааны боломжийн талаар талууд ярилцав.
Уулзалтад МҮХАҮТ-ын Гадаад харилцаа, хамтын ажиллагааны газрын дарга Э.Солонго байлцлаа.
