МҮХАҮТ МОНГОЛ ДАХЬ ХЯТАДЫН ЕРӨНХИЙ ХУДАЛДААНЫ ТАНХИМЫН УДИРДЛАГУУДТАЙ УУЛЗЛАА
МҮХАҮТ-ын Ерөнхийлөгч Б.Лхагважав Монгол дахь Хятадын Ерөнхий Худалдааны Танхимын шинээр томилогдсон удирдлагуудыг хүлээн авч уулзав. Тус танхимын тэргүүнээр “Петрочайна дачин тамсаг” ХХК-ын Монгол дахь төлөөлөгч Кан Дө Чүан, дэд тэргүүнээр “Bank of China”-ийн Монгол дахь төлөөлөгч Ян Шүмэй, мөн “Sinopec” ХХК-ын төлөөлөгч Жаоюо нар ажиллаж байна.
Уулзалтын үеэр талууд хоёр танхимын хамтын ажиллагаа жилээс жилд өргөжин тэлж буйг онцолж, цаашид хоёр улсын бизнес эрхлэгчдийг дэмжих, таатай бизнесийн орчинг хамтран бүрдүүлэхэд идэвхтэй ажиллахаа илэрхийлэв.
Түүнчлэн 2026 оны хамтын ажиллагааны эхлэл болгож, 2026 оны 1 дүгээр 9-ний өдөр БНХАУ-аас Монгол Улсад суугаа Элчин сайдын яамтай хамтран “Монгол–Хятад бизнес эрхлэгчдийн уулзалт”-ыг зохион байгуулахаар тохиролцов. Уг уулзалтаар хоёр улсын төр, хувийн хэвшлийн төлөөлөгчид оролцож, худалдааны эргэлтийг нэмэгдүүлэх, хөрөнгө оруулалтын таатай орчныг бүрдүүлэх чиглэлээр санал солилцох юм.
Уулзалтад МҮХАҮТ-ын Гүйцэтгэх захирал Ц.Магнайбаатар, ЕНБДарга Б.Саруул, ГХХАГ-ын дарга Э.Солонго болон холбогдох газрын мэргэжилтнүүд байлцлаа.
