МҮХАҮТ ЯПОН УЛСЫН ТОКИО ХОТНОО САЛБАР ТАНХИМАА АЛБАН ЁСООР БАЙГУУЛЛАА
Энэ оны 11-р сарын 26-нд Япон улсын Токио хотноо болсон “XII Монгол–Японы төр, хувийн хэвшлийн зөвлөлдөх уулзалт”-ын хүрээнд зохион байгуулагдсан “Монголын өдөр” хүндэтгэлийн арга хэмжээний үеэр Монголын Үндэсний Худалдаа Аж Үйлдвэрийн Танхим Япон дахь салбар танхимаа албан ёсоор байгуулагдсаныг зарлаж, батламжийг МҮХАҮТ-ын Ерөнхийлөгч Б.Лхагважав гардуулан өглөө.
Япон дахь салбар танхим нь хоёр улсын худалдааны эргэлт, хөрөнгө оруулалтын хэмжээ өсөж буй өнөөгийн нөхцөлд бизнесийн харилцаа, мэдлэгийн солилцоо, соёлын хамтын ажиллагааг шинэ түвшинд хүргэх, бизнес эрхлэгчдэд илүү шуурхай, үр ашигтай дэмжлэг үзүүлэх зорилготой тус танхимын даргаар У.Өлзийням томилогдож, хоёр улсын эдийн засаг, бизнес, соёлын хамтын ажиллагааг өргөжүүлэх, Монгол–Японы бизнесийн гүүр болон ажиллах бөгөөд гишүүн аж ахуйн нэгжүүдэд хамтран ажиллах боломж нээлттэй юм.
