“САНТА КРОЧЕ СУЛ АРНО” ҮЙЛДВЭРИЙН ПАРКТАЙ ТАНИЛЦАЖ, ТУРШЛАГА СУДЛАХ БИЗНЕС АЯЛАЛ АМЖИЛТТАЙ ЗОХИОН БАЙГУУЛАГДЛАА

Итали Монголын бизнес форумд оролцохоор ирсэн Танхимын бизнес группын төлөөлөл болох арьс ширний салбарын компанийн удирдлагууд Италийн нэр хүндтэй арьс ширний төв болох “Санта Кроче сул Арно” үйлдвэрийн паркаар зочилж , үйлдвэрлэлийн менежмент, дэд бүтэц, технологийн шийдэл болон бүтээмж дээшлүүлэх орчин үеийн аргачлалуудтай газар дээр нь танилцлаа.

Аяллын хүрээнд салбарын хөгжлийн чиг хандлага, хамтын ажиллагааг өргөжүүлэх боломжийн талаар санал солилцож, туршлага хуваалцсан нь хоёр талын цаашдын хамтын ажиллагаанд чухал ач холбогдолтой болсныг оролцогчид онцолж байв.

Мөн тус бүсийн инноваци, сургалт, судалгааны төв болох “Потеко” лаборатори болон туршилтын боловсруулах цехтэй танилцаж , тус төвд нэвтрүүлдэг техник, технологи, чанарын хяналтын аргачлалын талаар дэлгэрэнгүй мэдээлэл авлаа.