МҮХАҮТ ИТАЛИЙН ХУДАЛДААНЫ АГЕНТЛАГ БОЛОН SIMEST КОМПАНИТАЙ ХАМТРАН АЖИЛЛАНА

Итали Улсын Ром хотноо зохион байгуулагдсан Итали–Монголын бизнес форумын хүрээнд хоёр улсын худалдаа, хөрөнгө оруулалт, үйлдвэрлэл, тээвэр ложистик, ЖДҮ, ноос ноолуур болон арьс ширний салбарын хамтын ажиллагааг шинэ шатанд гаргах чиглэлд МҮХАҮТ болон зарим салбарын холбоод Италийн холбогдох байгууллагуудтай хамтран ажиллахаар санамж бичигт гарын үсэг зурлаа.

МҮХАҮТ SIMEST компани хооронд Монголын бизнес эрхлэгчдийг Европын зах зээлд гарахад дэмжлэг үзүүлэх, санхүүжилт болон зах зээлийн мэдээллээр хангах, тогтвортой өсөлтийг дэмжих чиглэлд хамтран ажиллахаар МҮХАҮТ-ын Ерөнхийлөгч Б.Лхагважав, SIMEST-ийн Ерөнхийлөгч Витторио Де Педис нар санамж бичигт гарын үсэг зурлаа.

МҮХАҮТ болон Италийн Худалдааны Агентлаг (ITA)-тай худалдаа, хөрөнгө оруулалт, бизнес эрхлэгчдийн хамтын ажиллагааг тогтмолжуулах, үзэсгэлэн болон бизнес уулзалт зохион байгуулах боломжийг нэмэгдүүлэхэд хамтран ажиллахаар МҮХАҮТ-ын Ерөнхийлөгч Б.Лхагважав, Италийн Гадаад Худалдааны Агентлагийн Ерөнхийлөгч Маттео Дзоппас нар гарын үсэг зурлаа.

Талууд хамтран ажилласнаар Монгол–Италийн эдийн засгийн харилцааг шинэ шатанд гаргаж, үйлдвэрлэл, экспорт, хөрөнгө оруулалт, тээвэр логистик, ЖДҮ болон хөнгөн үйлдвэрийн салбарт бодитой ахиц гарах эхлэл болох юм.