МОНГОЛ УЛСЫГ ДЭЛХИЙД ТАНИУЛАХ ҮЙЛСЭД ОРОЛЦСОН КОМПАНИУДАД ТАЛАРХЛЫН БАТЛАМЖ ГАРДУУЛЛАА
Япон улсын Осака хотноо зохион байгуулагдсан “Дэлхийн ЭКСПО-2025” үзэсгэлэн энэ оны дөрөвдүгээр сарын 13-наас аравдугаар сарын 13-ны өдрийг хүртэл амжилттай үргэлжилж, нийт 158 улс, 9 олон улсын байгууллага оролцон, ойролцоогоор 25.5 сая гаруй зочин хүлээн авсан байна.
Монгол Улс экспод “Монголын амар амгалан” уриан дор оролцож, үндэсний асраараа дамжуулан түүх, соёлын өв, аялал жуулчлалын нөөц боломж , орчин үеийн хөгжлийн чиг хандлагаа олон улсад сурталчлан нийтдээ 4.0 сая орчим зочин хүлээн авсан нь Монгол Улсыг хамгийн их сонирхол татсан оролцогчдын нэг болгожээ.
МҮХАҮТ-ын дэд захирал Ч.Баттулга тус үзэсгэлэнд Монгол Улсыг олон улсад таниулах үйлсэд үнэтэй хувь нэмэр оруулж, хамтран ажилласан аж ахуйн нэгжүүдэд талархал илэрхийлж, батламж гардуулан өгөв.
