"Энэтхэг-Монголын бизнесийн хамтын ажиллагаа" арга хэмжээ МҮХАҮТ-ын Их Танхимд эхэлж байна
Монгол Улс Бүгд Найрамдах Энэтхэг улстай дипломат харилцаа тогтоосны 65 жилийн ойн хүрээнд “Энэтхэг - Монголын бизнесийн хамтын ажиллагаа” арга хэмжээ МҮХАҮТ-ын Их Танхимд эхэлж байна.
МҮХАҮТ-н ерөнхийлөгч О.Амартүвшин “Төрийн айчлалын үеэр МҮХАҮТ, БНЭУ-ын FICCI, CII болон AssoCham Танхим Нью Дели хотноо зохион байгуулсан Монгол - Энэтхэгийн бизнес форумын үеэр Монголын 30 гаруй томоохон аж ахуйн нэгж бизнесээ танилцуулж, бизнес эрхлэгчид болон хөрөнгө оруулагчид хамтран ажиллах тухай санамж бичиг байгуулсан юм. Хоёр улсын худалдаа, эдийн засаг, хөрөнгө оруулалт, хөдөө аж ахуйн бүтээгдэхүүн, уул уурхай, газрын тос, мэдээллийн технологи, эмийн үйлдвэрлэл болон аялал жуулчлал зэрэг салбарт хамтын ажиллагааны ихээхэн нөөц бололцоо байна. Энэтхэг Монгол 2 улсын бизнес хөрөнгө оруулалтын таатай орчинг бүрдүүлэн ажиллах нь нэн чухал хэмээн нээлтийн үгэндээ онцоллоо.
БНЭУ-аас Монгол улсад суугаа онц бөгөөд бүрэн эрхт Элчин сайд ноён М.П.Сингх тус арга хэмжээг нээж "Монгол-Энэтхэг хоёр улсын дипломат харилцаа тогтоосны 65 жилийн ойн хүрээнд зохион байгуулагдаж буй энэхүү арга хэмжээ хоёр улсын худалдаа, эдийн засгийн салбарыг өргөжүүлж, худалдааны эргэлтийг нэмэгдүүлэх ач холбогдолтой юм. Энэтхэг - Монгол хоёр улсын хооронд эмийн үйлдвэрлэл, уул уурхай болон аялал жуучлалын салбарыг хөгжүүлж хоёр улсын эдийн засгийн салбарт өргөн боломж нээгдэнэ гэдэгт итгэлтэй байна" хэмээв.
Тус арга хэмжээнд Энэтхэг улсаас PWC аудитын компани, мэдээллийн технологийн компани, эрүүл мэндийн компани зэрэг олон улсын түвшний байгуулагуудын оролцогчид илтгэлэжр оролцох ба Энэтхэг улсыг бараа бүтээгдэхүүний дээж эм, эмийн бүтээгдэхүүн, цай, кофе, халуун ногоо, гар урлал, гоёл чимэглэл, Энэтхэг иог болон газрын тосны үйлдвэрийн танилцуулга болох юм.
