RE/MAX MONGOLIA БОЛОН МОНГОЛЫН ҮНДЭСНИЙ ХУДАЛДАА, АЖ ҮЙЛДВЭРИЙН ТАНХИМ ХАМТРАН АЖИЛЛАХААР САНАМЖ БИЧИГТ ГАРЫН ҮСЭГ ЗУРЛАА
RE/MAX Mongolia болон Монголын Үндэсний Худалдаа, Аж Үйлдвэрийн Танхим хамтран ажиллах талаар Харилцан ойлголцлын санамж бичигт гарын үсэг зурлаа. Энэхүү санамж бичгийн хүрээнд RE/MAX Mongolia бүсэд хамаарах гэрээний хэрэгжилтийн явцад гарсан маргааныг шүүх, арбитрт хандахаас өмнө МҮХАҮТ-ын дэргэдэх Маргаан таслах дүгнэлт гаргах зөвлөлөөр шийдвэрлүүлэх боломжийг бүрдүүлж байна.
Мөн талууд маргааныг шударга, бизнесийн ёс зүйтэй, харилцан ашигтай зарчмаар шийдвэрлэхэд чиглэсэн хамтын ажиллагааг бэхжүүлэхээр тохиролцов. Энэ хүрээнд МҮХАҮТ зөвлөлөө байгуулан ажиллах бол RE/MAX Mongolia бүс шаардлагатай дотоод журмаа боловсруулж, маргаан шийдвэрлүүлэх иргэд, хуулийн этгээдүүд зохих хөлс төлөхөөр болжээ. Санамж бичгийг МҮХАҮТ-ын Гүйцэтгэх захирал Ц.Магнайбаатар, RE/MAХ Монгол дахь бүсийн үйл ажиллагаа хариуцсан захирал Г.Тэмүүлэн нар үзэглэлээ.
