“ЧӨЛӨӨТ ХУДАЛДААНЫ ХЭЛЭЛЦЭЭР, ЭДИЙН ЗАСГИЙН ТҮНШЛЭЛИЙН ХЭЛЭЛЦЭЭРИЙГ АШИГЛАХ БИЗНЕСИЙН БОЛОМЖ” СУРГАЛТ ЗОХИОН БАЙГУУЛЛАА

Хөрөнгө оруулалт, худалдааны газар нь Монголын Үндэсний Худалдаа Аж Үйлдвэрийн Танхим болон Улаанбаатар хотын Худалдааны танхимтай хамтран 2025 оны 11 дүгээр сарын 6-ны өдөр Монгол Улсын байгуулсан Эдийн засгийн түншлэлийн тухай Монгол Улс, Япон Улс хоорондын хэлэлцээр, Ази, Номхон Далайн Худалдааны хэлэлцээр, Монгол улс болон Евразийн эдийн засгийн холбоо, түүний гишүүн орнууд хоорондын Худалдааны түр хэлэлцээрүүдийг ашиглах бизнесийн шинэ боломжуудыг танилцуулах сургалтыг амжилттай зохион байгууллаа.

Сургалтад Эдийн засаг, хөгжлийн яам, Гаалийн ерөнхий газар, Жижиг дунд үйлдвэрийн газар, МУИС-ын Бизнесийн сургууль, Монголын үндэсний худалдаа аж үйлдвэрийн танхим, УБ-ын Худалдааны танхимын салбарын мэргэжилтнүүд оролцож МУ-ын эдийн засаг, худалдааны бодлого,чөлтөөт худалдааны хэлэлцээрийн зарчим, хэлэлцээрүүдийн хэрэгжилт, тарифын хөнгөлөлт, чөлөөлөлт, гарал үүслийн гэрчилгээ болон бусад анхаарах асуудлуудын талаар мэдээлэл танилцуулга хийлээ.

Уг сургалт нь экспорт, импортын чиглэлээр ажилладаг аж ахуйн нэгжүүд болон гадаад зах зээл рүү гарахаар зорьж буй бизнес эрхлэгчдийн хэрэгцээнд нийцсэн, сургалт болж цаашид оролцогч талуудтай хамтран бизнес, худалдаа эрхлэгчдэд зориулсан экспортыг дэмжих чиглэлийн арга хэмжээг тогтмол зохион байгуулж ажиллана гэдгийг зохион байгуулагчид хэллээ.