(+976) 7727-7070
info@mongolchamber.mn
08:30 - 17:30
Ажлын цаг

Гоо сайхны бүтээгдэхүүн хөжүүлэлтийн сургалт боллоо

2020/01/16 0

Европын Холбооноос санхүүжүүлж буй “Монголын худалдааг дэмжих төсөл”-ийг 2017 оноос эхлэн хэрэгжүүлж байна. МҮХАҮТ нь уг төслийн “Экспортыг дэмжих” 3 дахь бүрэлдэхүүн хэсгийг хэрэгжүүлэн ажиллаж байгаа бөгөөд төслийн хүрээнд олон улсын шаардлагад нийцсэн, нэмүү өртөг шингэсэн, уул уурхайн бус салбарын экспортын бүтээгдэхүүн үйлдвэрлэлийг нэмэгдүүлэх зорилгоор Монголын гоо сайхны бүтээгдэхүүний кластерыг 2019 онд байгуулсан.

Монголын гоо сайхны бүтээгдэхүүний кластерын гишүүдийг чадавхижуулах, хүний нөөцийн чадавхийг бэхжүүлэхэд дэмжлэг үзүүлэх зорилгоор ТРАМ төсөл, МҮХАҮТ-аас дараах сэдвээр сургалт зохион байгууллаа.

  1. Гоо сайхны үйлдвэрлэлийн эрүүл ахуй, ерөнхий шаардлага
  2. Гоо сайхны бүтээгдэхүүний түүхий эдийн сонголт, мал амьтны гаралтай түүхий эдийн үнэрийг дарах арга
  3. Ургамал, амьтны гаралтай тосны бүтэц, тэдгээрийн шинж чанар
  4. Тос боловсруулах технологи

Монос косметикс ХХК-ийн Ерөнхий технолгич Л.Хишигсүрэн болон ШУА-ын Хими, химийн технологийн хүрээлэнгийн эрдэм шинжилгээний ажилтан Н.Жавзмаа нар гоо сайхны кластерын гишүүдэд сургалт орлоо.