МОНГОЛЫН АЖ АХУЙН НЭГЖ БАЙГУУЛЛАГУУДТАЙ БНСУ-ЫН ТОМООХОН ХҮНСНИЙ САЛБАРЫН КОМПАНИУД БИЗНЕС УУЛЗАЛТ ХИЙЛЭЭ

“COEX FOOD WEEK 2025” Солонгосын хүнсний салбарын хамгийн том үзэсгэлэн БНСУ-ын Сөүл хотноо нээлтээ хийж тус үзэсгэлэнд Монголын талаас /UNIDO ITPO/ НҮБ-ын Аж Үйлдвэр, хөгжлийн байгууллагын БНСУ-дахь хөрөнгө оруулалт технологийн дэмжих төвийн дэмжлэгтэйгээр МҮХАҮТ-ын гишүүн байгууллага, хүнсний салбартаа тэргүүлэгч

Номин фүүдс, Сатурн ХХК, Стимо, Мах Импек, Өег Шим, Юниверс фүүд, Грандлайн, Саруул Оч, Даун Таун Файшн, Мөнх ногоон хүлэмж, Эрхэс Майнинг, Мах Импэкс, Үлэмж Импэкс ХХК-иудын төлөөлөл оролцон туршлага судлан В2В уулзалт болон Bluenix /http://www.bluenix.com/en//, болон Sunkyung/ http://skik.co.kr/eng/ үйлдвэртэй танилцах аялал хийлээ.

Мөн бизнес уулзалтын үеэр Номин фүүдс, Стимо, Сатурн фүүдс зэрэг компанийн төлөөлөлтэй  НҮБ-ын Аж Үйлдвэр, хөгжлийн байгууллагын БНСУ-дахь хөрөнгө оруулалт технологийн дэмжих төвийн тэргүүн Маенхо Шин, мэргэжилтэн Хэён ли нар хүлээн авч уулзан үдийн зоог барилаа.

“COEX FOOD WEEK” үзэсгэлэн нь 2006 оноос эхлэн жил бүр уламжлал болгон зохион байгуулагдсан ба энэ удаагийн үзэсгэлэнд Дэлхийн 30 улсаас 1000 гаруй компани оролцож шинэ бараа, бүтээгдэхүүн үйлчилгээгээ танилцуулдаг юм. Уг үзэсгэлэн арга хэмжээг МҮХАҮТ-ын ҮЯГ-ын мэргэжилтэн Ц.Хулан группээ ахлан ажиллалаа.