(+976) 7727-7070
info@mongolchamber.mn
08:30 - 17:30
Ажлын цаг

Төр хувийн хэвшлийн зөвлөлдөх хороог Төв аймагт байгууллаа

2020/01/16 0

МҮХАҮТ-аас зохион байгуулж буй Төр, хувийн хэвшлийн зөвлөлдөх уулзалт, хэлэлцүүлэг Төв аймгийн Зуунмод хотод боллоо.

Уулзалтад МҮХАҮТ-ын Орлогч дарга Б.Намжилсүрэн тэргүүтэй Танхимын төлөөлөгчид, Төв аймгийн Засаг дарга Ж.Батжаргал, Засаг даргын орлогч Д.Мөнхбаатар болон аймгийн мэргэжлийн холбоод, бизнес эрхлэгчдийн төлөөллүүд оролцлоо.

Тус уулзалтаар МҮХАҮТ-аас орон нутагт хэрэгжүүлж буй төсөл хөтөлбөрүүд болон Төв аймгийн бизнесийн орчны судалгааны үр дүнг танилцуулав. Бизнесийн орчинд банкны зээлийн хүү өндөр,гадаад валютын ханшийн хэлбэлзэл болон боловсон хүчний ур чадварын дутмаг байдал гэх мэт асуудлууд тулгарч буй нь судалгааны үр дүнд гарсан.

Төв аймгийн бизнес эрхлэгчид тулгамдаж буй асуудлыг хэлэлцэж шийдлийг тодорхойлох Төр хувийн хэвшлийн зөвлөлдөх хороог 9 хүнтэй байгууллаа.