“CARREFOUR”СҮЛЖЭЭ ДЭЛГҮҮР 21 ДЭХ САЛБАРАА НЭЭЛЭЭ
Алтан Жолоо Трейд ХХК нь Алтан Жолоо группийн охин компани бөгөөд Сансар сүлжээ дэлгүүрийг үүсгэн байгуулан сүүлийн 25 жилийн туршид 20 гаруй салбартайгаар үйл ажиллагаа явуулж ирсэн Монгол Улсын ТОП-100 аж ахуйн нэгжийн нэг юм.
Тус компани Carrefour International Partnership компанитай 2023 оноос эхлэн хамтран ажиллаж энэхүү хамтын ажиллагааны үр дүнд Монгол дахь “Сансар сүлжээ дэлгүүр”-ийн 20 гаруй салбарыг “Carrefour” болгон өөрчилж өнөөдөр 21 дэх салбараа Хан-Уул дүүрэгт нээлээ.
Тус салбар дэлгүүрийн нээлтэд ХХААХҮЯ-ны Төрийн нарийн бичгийн дарга Т.Жамбалцэрэн, Алтанжолоо группын Ерөнхийлөгч В.Энхбаатар, "Carrefour International Partnership компанийн олон улсын түншлэл хариуцсан захирал Патрик Лав Фаагх, МҮХАҮТ-ын Ерөнхийлөгч Б.Лхагважав, Гүйцэтгэх захирал Ц.Магнайбаатар болон албаны төлөөлөл оролцон баяр хүргэж үг хэллээ.
Carrefour групп нь дэлхийн 40 гаруй оронд 14,000 орчим салбар дэлгүүрээр олон нэр төрлийн хүнс, бараа бүтээгдэхүүнийг хэрэглэгчдэдээ хүргэж байна. Carrefour International Partnership компани нь Carrefour группийн 1950 дэлгүүртэй 39 нутаг дэвсгэрт үйл ажиллагаа явуулдаг дэлхий даяарх франчайзийн бүх түншүүдийн хамтын ажиллагааг хариуцан ажилладаг бөгөөд 2022 онд 90 тэрбум Еврогийн борлуулалтыг дэлхий дахинд хийжээ. Carrefour дэлгүүрт дэлхий дахинд 350,000 гаруй ажилтан ажилладаг бөгөөд 500,000 гаруй хүн Carrefour-т шинэхэн хүнсний бүтээгдэхүүн нийлүүлж, хэргэлэгчдэд өндөр чанартай хүнс, өргөн хэрэглээний бүтээгдэхүүнийг боломжийн үнээр авах боломжийг олгодог байна.
