“ОЛОН УЛСЫН ХУДАЛДААНЫ ХЭРЭГСЛИЙГ АШИГЛАН ЭКСПОРТОО НЭМЭГДҮҮЛЭХ БОЛОМЖ” СУРГАЛТ АМЖИЛТТАЙ ЗОХИОН БАЙГУУЛАГДЛАА

2025/10/21 0

Худалдааг хөнгөвчлөх, уул уурхайн бус, нэмүү өртөг шингэсэн бараа, бүтээгдэхүүний экспортыг нэмэгдүүлэх, гадаад зах зээлд сурталчлах, худалдан авагчтай холбох, олон улсын зах зээлийн мэдээ, мэдээллээр хангах, зөвлөгөө өгөх зорилгоор “Олон улсын худалдааны хэрэгслийг ашиглан экспортоо нэмэгдүүлэх боломж” сэдэвт сургалтыг амжилттай зохион байгууллаа.

Сургалтыг нээж МҮХАҮТ-ын гүйцэтгэх захирал Ц.Магнайбаатар хэлсэн үгэндээ Монгол Улсын экспортын бүтцийг 2024 оны жилийн эцсийн байдлаар харвал уул уурхайн салбар 92,8 хувь, уул уурхайн бус салбар 7,2 хувийг бүрдүүлж байна.

Манай улсын Эдийн засаг дан ганц уул уурхайн хараат байгаагаас өнөөдрийн олон томоохон сорилтууд тулгарч, гадаадын шууд хөрөнгө оруулалтыг нэмэгдүүлэх, экспортыг төрөлжүүлэх буюу уул уурхайн бус экспорт, түүний дотор аялал жуулчлал, хөдөө аж ахуйн гаралтай бүтээгдэхүүний экспортыг нэмэгдүүлэх асуудал чухлаар тавигдаж байна гэлээ. Мөн Монгол Улсын Ерөнхий сайдын 2025 оны 7 сарын 21-ний 41 дүгээр захирамжаар байгуулагдсан “Экспортыг нэмэгдүүлж, худалдааг дэмжих” ажлын хэсэгт МҮХАҮТ болон Хөрөнгө оруулалт худалдааны газар болон Улаанбаатар хотын худалдааны танхим гишүүнээр оролцон ажиллаж байгаагийн хүрээнд өнөөдрийн арга хэмжээг хамтран зохион байгуулж байгаагаараа онцлог болж байна.

Сургалтаар үеэр дараах сэдвийн хүрээнд Монгол Улсын Засгийн газрын хэрэгжүүлэгч агентлаг Хөрөнгө оруулалт, худалдааны газрын мэргэжилтэн Н.Энхдаваа: “Чөлөөт худалдааны хэлэлцээр, Монгол Улсын байгуулсан хэлэлцээрүүд”, МҮХАҮТ-ын Гадаад худалдааны бичиг баримт баталгаажуулах газрын Э.Бадамхорол: Экспортын бэлэн байдлын үнэлгээ ба ДХБ-ын Олон улсын худалдааны төвийн ”Худалдааны арга хэрэгслийг ашиглах нь”, Улаанбаатар хотын худалдааны танхимын Гүйцэтгэх захирал Б.Хаш-Эрдэнэ: “Ази номхон далайн худалдааны хэлэлцээрийг ашиглах боломж” МҮХАҮТ-ын Гадаад худалдааны бичиг баримт баталгаажуулах газрын мэргэжилтэн Р.Ариунтунгалаг“: Монгол Улс Япон Улс хоорондын ЭЗТХ-ийг ашиглах боломж”Онц бөгөөд Бүрэн Эрхт Элчин, ГХЯ-ны ОУХЭЗГ-ын зөвлөх Др. В.Энхболд: Далайд гарцгүй хөгжиж буй орнуудын асуудлаарх Авазагийн үйл ажиллагааны 10 жилийн хөтөлбөр (2024-2034)-ийн гол зорилтууд зэрэг илтгэл мэдээллүүд хийгдлээ.