ЕВРОПЫН ХОЛБООНЫ САНХҮҮЖИЛТЭЭР ОУХБ-ААС ХЭРЭГЖҮҮЛЖ БУЙ ЗОХИСТОЙ ХӨДӨЛМӨР БА ХУДАЛДАА ТӨСЛИЙН МЭРГЭЖИЛТНҮҮДИЙГ ХҮЛЭЭН АВЧ УУЛЗЛАА

Монголын Үндэсний Худалдаа Аж Үйлдвэрийн Танхимын Ерөнхий нарийн бичгийн дарга Б.Саруул Европын Холбооны Санхүүжилтээр ОУХБ-аас хэрэгжүүлж буй Зохистой хөдөлмөр ба худалдаа төслийн мэргэжилтнүүдийг хүлээн авч уулзлаа.

ОУХБ нь нийгмийн түншлэгч талуудын оролцоог хангаж, хариуцлагатай бизнес эрхлэлт, зохистой хөдөлмөр, ОУХБ-ын үндэстэн дамнасан корпорацын тухай тунхаглалыг талаарх ойлголтыг нэгтгэх зорилгын хүрээнд Улаанбаатар хотноо 10 сарын 14-16 өдрүүдэд засгийн газар, ажил олгогч, ажилтаны төлөөллийг хамруулсан сургалт, хэлэлцүүлэг болж өнгөрсөн бөгөөд энэ хэлэлцүүлгийн үр дүнд гарсан Хариуцлагатай бизнесийн үйл ажиллагааг хэрэгжүүлэх Үндэстэн дамнасан корпорацийн ОУХБ-н тунхаглалыг хэрхэн үр дүнтэй хэрэгжүүлэх тухай зөвлөмж, замын зураглалын төслийн талаар ОУХБ-ын Женев дахь төв оффисын Хариуцлагатай бизнес ба Корпорацийн тогтвортой байдал хариуцсан техникийн мэргэжилтэн Юлия Гершинкова, Бангкок дахь Ази, номхон далайн байгууллагуудын Тогтвортой хөгжил, ажлын байр бий болгох асуудал хариуцсан ахлан мэргэжилтэн Кэлвин Сержант нар танилцууллаа.

Уулзалтын үеэр талууд гурван талт хэлэцээрийн үйл ажиллагааг идэвхижүүлэх, ажил олгогчдын төлөөлөл буюу МҮХАҮТ-ын гишүүн байгууллагуудад тогтвортой хөгжил, хариуцлагатай бизнесийн үйл ажиллагааг хэрэгжүүлэх, чадавхижуулах боломжийн талаар хамтран ажиллахаар санал солилцов.