МОНГОЛ-ЧЕХИЙН БИЗНЕС УУЛЗАЛТ БОЛЛОО
Тус уулзалтыг МҮХАҮТ-ын Гүйцэтгэх захирал Ц.Магнайбаатар нээж үг хэллээ. Тэрээр Хоёр улсын худалдааны эргэлт 2025 оны эхний 9 сарын байдлаар 13.7 сая ам.доллар байна. Үүнээс манай улсын эскпорт нь өмнөх оны 9 сард 188.7 мянган ам.доллар байсан бол энэ жил 284.2 мянган ам.доллар болж өссөн байгаа нь энэ жилийн бидний хамтын ажиллагааны үр дүн гэж харагдаж байна.
Бид Чех улсаас эм, эмнэлгийн бүтээгдэхүүн, шар айраг, уул уурхайн тэсэлгээний бодис болон технологийн бүтээгдэхүүн голлон импортолж байгаа бол Монголын талаас ноос, ноолууран бүтээгдэхүүн, гэрийн угсармал хийцийг экспортолж байна гэлээ.
Мөн Өнгөрсөн хугацаанд чех улсын тусламж, хөрөнгө оруулалтаар Монгол Улсад хэрэгжсэн олон бүтээн байгуулалт бий. Чех архитектор, инженерийн технологиор Сонгино хайрхан дүүргийн 34-р хорооны нутаг дэвсгэрт барьж байгуулж буй нийт 2га талбайд 40 айлын Czech Villadom таунхаус төсөл сая 6-р сард албан ёсоор нээлтээ хийснийг онцлон дурдахад таатай байна гэв.
