ХӨРӨНГӨ ОРУУЛАГЧИД 2 ДАХЬ ӨДРӨӨ ЧУУЛЖ БАЙНА

Европын Холбоо болон Монгол Улсын 700 гаруй бизнес эрхлэгч, хөрөнгө оруулагч, засгийн газрын төлөөлөл нэг дор цуглан #GlobalGateway санаачилгын хүрээнд тогтвортой өсөлт, хамтын ажиллагааны боломжуудыг эхний өдөр хэлэлцлээ.

Өнөөдөр Хөдөө аж ахуй ба ойн аж ахуй , байгаль орчин нийгэм засаглал , БОНЗ стандарт , санхүүжилт авах боломж сэдвээр салбар хуралдаанууд үргэлжилж байгаа ба МҮХАҮТ байгаль орчин нийгэм засаглал , БОНЗ стандарт салбар хуралдаан болон В2В уулзалтыг зохион байгуулж модератораар МҮХАҮТ-ын Ерөнхийлөгчийн зөвлөх М. Сарандаваа ажиллаж байна.

Тэрээр, Mонгол Улс тогтвортой санхүүжилтийн салбарт дэлхий дахинаа хүлээн зөвшөөрөгдөж эхэлж байна. Засгийн газрын бодлого улам бэхжиж, төр-хувийн хэвшлийн хамтын ажиллагаа ойртсоноор манай улс бүс нутгийн тогтвортой санхүүгийн төв болох бүрэн боломжтой. ESG-ийн стандартыг хэрэгжүүлснээр Монгол Улс хариуцлагатай хөрөнгө оруулалтыг татах, ногоон өсөлтийг дэмжих, дэлхийн тогтвортой хөгжлийн зорилтуудад бодит хувь нэмэр оруулах боломжтой гэдгийг хэллээ.