ДЭЛХИЙН ЭКСПО 2025 ОСАКА КАНСАЙД ДЭЛХИЙН ҮЗЭСГЭЛЭНГИЙН ТОВЧООНЫ 153 УЛС ОРОН ОРОЛЦЛОО

МҮХАҮТ гүйцэтгэх захирал Ц.Магнайбаатар, Дэд захирал Ч.Баттулга нар Япон Улсын Осака хотын ХАҮТ-ын Ерөнхийлөгч Сецүо Иучитэй уулзаж танхим хоорондын хамтын ажиллагаа, бизнесийн байгууллагуудын хамтын ажиллагаа бизнес хөрөнгө оруулалт, үзэсгэлэн худалдаа хамтран зохион байгуулах талаар санал солилцлоо.

Уулзалтын төгсгөлд Осакагийн Танхимын УЗ дарга Шинго Торийд МҮХАҮТ-ын Ерөнхийлөгч Б.Лхагважавын илгээсэн Япон Улсын үндсэн хуулийг Монгол бичгээр бичсэн дурсгалын зүйлийг гардуулж өглөө.

Монгол Улс энэ удаагийн “ЭКСПО 2025 Осака Кансай”-д Монгол Улсын Гадаад Харилцааны Яам, Монгол Улсаас Осака хотод суугаа Ерөнхий консулын газар, Соёл, спорт, аялал жуулчлал залуучуудын яам, Чингис хаан Үндэсний музей, Монголын Үндэсний Худалдаа Аж Үйлдвэрийн Танхим нар хамтран зохион байгуулагчаар амжилттай оролцлоо.

Осака дахь Ерөнхий консулын газрын тэргүүн А.Энх-Амгалан, Консул О.Цэрэнжаргал, Консул Ч.Солонго, Аж ахуйн эрхлэгч жолооч Ц.Мөнхбат нарыг Монгол Улсыг дэлхийн үзэсгэлэн "ЭКСПО 2025"-д сурталчилан оролцоход гүн туслалцаа үзүүлсэнд талархаж МҮХАҮТанхимын дээд шагнал Хийморь одон, “Enterpneurship spirit” одон, Хүндэт жуух бичгээр шагнасныг МҮХАҮТ-ын Гүйцэтгэх захирал Ц.Магнайбаатар гардуулан өглөө.

Монгол Улс ЭКСПО 2025 Дэлхийн үзэсгэлэнд амжилттай оролцоход гүн туслалцаа үзүүлж Монгол Улсыг хариуцаж ажилласан Хираказү Кокэ-д өөрийн нэрийг нь Монгол бичгээр бичиж гардуулж өглөө.

Дэлхийн ЭКСПО 2025 Осака
Эдгээр модыг 2016 онд БНЧУ-ын Хойд Моравиагаас 5-8 метрийн гүнээс гаргаж авсан ба мод бүрийг Экспо 2025 үзэсгэлэнд оролцогч нэг үндэстэнд зориулж, нэрээр нь нэрлэсэн, дэлхийд хосгүй 6500 жилийн настай царс модыг агуулсан эртний ойн байгууламж юм. Монгол Улсад өгсөн модыг МҮХАҮТанхимын гүйцэтгэх захирал Ц.Магнайбаатар сонгон Монгол Улсын таних QR кодыг байршууллаа