МОНГОЛ-БУРИАДЫН БИЗНЕС ФОРУМЫГ ЗОХИОН БАЙГУУЛЛАА
Монголын Үндэсний Худалдаа Аж Үйлдвэрийн Танхим Буриадын Худалдаа Аж Үйлдвэрийн Танхимтай хамтран Монгол-Буриадын бизнес форумыг амжилттай зохион байгууллаа.
Бизнес форумд МҮХАҮТ-ын Ерөнхийлөгч Б.Лхагважав, МҮХАҮТ-ын зөвлөх Э.Оюунтэгш нар мөн ОХУ-ын Буриад улсын Худалдаа Аж Үйлдвэрийн Танхимын дэд ерөнхийлөгч Елизавета Ивановна Потапова тэргүүтэй Буриад улсын экспортыг дэмжих төвийн ажилтнууд, 2 улсын 40 гаруй компанийн төлөөлөл оролцсон юм.
Бизнес форумд ОХУ-ын Буриад улсаас Хөдөө Аж Ахуй, Аялал жуулчлал, Хүнсний үйлдвэрлэл (нарийн боовны түүхий эд, мах махан бүтээгдэхүүн, Барилгын материал, Тээвэр, логистикийн чиглэлээр үйл ажиллагаа эрхэлдэг 18 компани, Монгол улсын талаас дээрх чиглэлийн 20 гаруй компани оролцсон бөгөөд компаниуд өөрсдийн бизнесийн танилцуулгыг хийж, мөн цаашдын хамтын ажиллагааг өргөжүүлэх гэрээ хэлцэл хийлээ. Бизнес форум хоёр улсын бизнес эрхлэгчдийн B2B уулзалтаар үргэлжилж өндөрлөсөн юм.
