ЕВРОПЫН СЭРГЭЭН БОСГОЛТ ХӨГЖЛИЙН БАНКТАЙ ХАМТРАН АЖИЛЛАНА

МҮХАҮТ болон Европын Сэргээн Босголт Хөгжлийн Банк (ЕСБХБ) хамтын ажиллагааны уулзалтыг 2025 оны 9 сарын 19-ны өдөр зохион байгууллаа. Тус уулзалтаар хоёр байгууллагын хамтын ажиллагааг өргөжүүлэх боломжуудын талаар санал солилцож, дараах асуудлуудыг онцлон хэлэлцэв. Үүнд:
•    Танхимын тухай хууль болон түүний хэрэгжилтийн хүрээнд хамтран ажиллах;
•    Төр, хувийн хэвшлийн түншлэлийг бэхжүүлэх;
•    Арбитрын үйлчилгээг бизнесийн гэрээ хэлэлцэлд оруулах боломжийг судлах;
•    Бизнесүүдэд зориулсан хамтарсан бүтээгдэхүүн, үйлчилгээг нэмэгдүүлэх.

МҮХАҮТ болон ЕСБХБ цаашид харилцан ойлголцол, үр дүнтэй хамтын ажиллагааг өргөжүүлэн хөгжүүлэхээ илэрхийллээ. Уулзалтад МҮХАҮТ-ын Ерөнхийлөгч Б.Лхагважав, Ерөнхий нарийн бичгийн дарга Б.Саруул, ТХГ-ын дарга А.Энэрэл болон ЕСБХБ-ын суурин төлөөлөгч Жахан Шамсиев, Жижиг, дунд бизнесийн зөвлөх үйлчилгээний хөтөлбөрийн шинжээч Д.Дэмбэрэлмаа нар оролцов.