МОСКВАГИЙН ЭКСПОРТЫН ТӨВИЙН УДИРДЛАГУУДТАЙ УУЛЗАЛТ ХИЙЛЭЭ
МҮХАҮТ-ын дэд захирал Ч. Баттулга Москвагийн экспортын төвийн гүйцэтгэх захирал Степанов Виталий Андреевичийг хүлээн авч уулзлаа. Уулзалтын үеэр Монгол, Москва хотын худалдаа, эдийн засгийн харилцааг эрчимтэй өргөжүүлэх, Монгол–Евразийн Чөлөөт худалдааны түр хэлэлцээрийг УИХ-аар батламжилсны дараа хэрэгжүүлэх арга механизм, харилцан тарифын хөнгөлөлт эдлэх болон техник ажиллагааны талаар санал солилцлоо.
Москвагийн экспортын төв нь ОХУ-ын бусад бүс нутгийн экспортын дэмжих төвүүдтэй уялдан ажиллаж, Москвагийн үйлдвэрлэл, инновац, үйлчилгээний компаниудыг олон улсын зах зээлд амжилттай гаргахад чиглэн үйл ажиллагаа явуулдаг. Москва хот нь өнөөдөр ОХУ-ын нийт экспортын 20 хувийг дангаараа эзэлдэг онцлогтой.
Уулзалтад МҮХАҮТ-ын зөвлөх Э. Оюунтэгш, ГХААГ-ын дарга Э. Солонго нар оролцлоо.
