НИЙЛҮҮЛЭЛТИЙН СҮЛЖЭЭ БА ЗОХИСТОЙ ХӨДӨЛМӨР ЭРХЛЭЛТ СЭДЭВТ ОЛОН УЛСЫН БҮС НУТГИЙН БОДЛОГЫН ЧУУЛГАНД МОНГОЛ УЛСЫГ ТӨЛӨӨЛӨН ОРОЛЦЛОО
МҮХАҮТ-ын Ерөнхий нарийн бичгийн дарга Б. Саруул 2025 оны 9 дүгээр сарын 15–16-ны өдрүүдэд Тайландын Бангкок хотноо зохион байгуулагдсан Нийлүүлэлтийн сүлжээ ба зохистой хөдөлмөр эрхлэлт сэдэвт олон улсын бүс нутгийн бодлогын чуулганд Монгол Улсыг төлөөлөн оролцлоо.
Энэхүү чуулганыг Олон Улсын Хөдөлмөрийн Байгууллага (ILO)-ын Ази, Номхон далайн бүсийн төлөөлөгчийн газар зохион байгуулж байгаа бөгөөд төрийн болон олон улсын байгууллагууд, бизнесийн гишүүнчлэлийн байгууллагууд, судлаачид, шинжээчид өргөнөөр оролцож байна.
МҮХАҮТ-ын Ерөнхий нарийн бичгийн дарга Б.Саруул, Олон Улсын Хөдөлмөрийн Байгууллагын орлогч дарга бөгөөд Ази, Номхон далайн бүсийн дарга хатагтай Kaori Nakamura-Osaka – тай албан уулзалт хийж Монголын эдийн засгийн хөгжилд хувийн хэвшил, ажил эрхлэлтийг дэмжих, ялангуяа залуучуудын ажил эрхлэлт, цахим эдийн засгийн үүрэг роль зэрэг эдийн засгийн суурь асуудлуудын талаар хэлэлцлээ. Түүнчлэн ОУХБ-ын Зохистой хөдөлмөрийн асуудал хариуцсан захирал хатагтай Xiaoyan Qian болон багийн гишүүдтэй уулзаж “Монгол Улсын хөдөлмөрийн зах зээлийн өнөөгийн байдал, тулгамдсан асуудал, бизнесийн байгууллагуудын оролцоо, сорилт ба боломжууд” сэдвээр илтгэл тавьж, Монгол улсад зохистой хөдөлмөр эрхлэлтийг дэмжих, тус асуудлаар хамтын ажиллагааг өргөжүүлэх талаар хэлэлцлээ.
Түүнчлэн НҮБ-ыэ Даян Дэлхийн Тунхагийг хэрэгжүүлэх бүсийн захирал хатагтай Neha Dan тай уулзаж Монголын компаниуд тус Тунхагийн 10 зарчимд нэгдэх, БОНЗ-ын хэрэгжилтийг бэхжүүлэх тал дээр үргэлжлүүлэн хамтран ажиллахаар тохиролцлоо.
