СОЦИАЛИЗМЫН ҮЕИЙН ОЛОН УЛСЫН ҮЗЭСГЭЛЭН, ЯАРМАГИЙН ТУХАЙ

МХАҮТ 1970 оноос эхлэн Үзэсгэлэн чимэглэлийн төв байранд дотоодын үйлдвэр, хангамжийн байгууллагууд болон БНЭУ, БНАСАУ, ЗХУ, БНАГУ, Польш, Унгар, Болгар зэрэг социалист системийн орнуудын үйлдвэр, худалдааны байгууллагын үзэсгэлэн, яармагийг зохион байгуулж ирсэн юм. Ардын хувьсгалын 40, 50 жилийн ойг тохиолдуулан Засгийн газар Улс ардын аж ахуйн бүх салбарыг хамарсан үзэсгэлэн худалдааг Улаанбаатар хотод нээж байлаа.

Монгол гаралтай бизнесмэнүүдийн Олон улсын чуулганыг Улаанбаатар хотноо зохион байгуулж, Монгол Улсын эдийн засгийг сэргээх, үндэсний үйлдвэрлэгчдэдээ шинэ түнш олж өгөх, тэдний гадаад харилцааг өргөтгөх ажлыг хийж байв.

МҮХАҮТ Олон улсын үзэсгэлэнгийн товчоонд жинхэнэ гишүүнээр элсэн, тус байгууллагаас зохион байгуулдаг арга хэмжээ, үзэсгэлэн яармагт байнга оролцож эхлэв. Олон улсын үзэсгэлэнгийн товчоо 1928 онд Парис хотноо 31 орны төлөөлөгчөөс бүрдэн байгуулагдсан, 100 орчим жилийн түүхтэй, дэлхийд нэр хүндтэй худалдаа, бизнесийг дэмжигч байгууллага юм