ЭХ ОРНЫ ҮЙЛДВЭРИЙН БҮТЭЭГДЭХҮҮНҮҮД ДЭЛХИЙН БИЗНЕСИЙН ДЭВЖЭЭНД

Худалдааны танхим социалист системийн орнуудад зохиогдсон яармагаас хоцорч байсангүй. Эхний үед Монгол Улс Олон Улсын Үзэсгэлэн Яармагт ан олзвор, гар урлалаа илгээдэг байсан бол 1980-аад он гэхэд эх орны аж үйлдвэрийн бүтээгдэхүүнээ дэлгэж, ЭКСПОРТ хийх эрх олж авч байлаа.

Олон улсын яармагийг зорьсон Монголд үйлдвэрлэсэн нэхий дээл, ноолууран цамц, тэмээний ноосон цамц, хивс, лаазалсан үхрийн хэл, “Цагаан архи”, “Нийслэл архи” зэрэг нэрийн 40 орчим бүтээгдэхүүн Алтан медаль, диплом авч, социализмын он жилүүдэд экспортлогдож байв.

Энэтхэгийн Шинэ Дели хотод 1972 оны намар зохиогдсон Азийн орнуудын Олон улсын худалдааны яармагт очиж оролцоход Энэтхэгийн тухайн үеийн Ерөнхий сайд Индра Ганди өөрийн биеэр ирж, манай улсын үзэсгэлэнг үзэж, тэр үед Гадаад худалдааны сайдаар ажиллаж байсан Ё.Очир Худалдааны танхимын үйл ажиллагааг өргөтгөхөд ихээхэн дэмжлэг үзүүлж, яамны аппаратаас гарган бие даасан аж ахуйн тооцоонд оруулж, Танхимыг санхүүгийн хувьд бүрэн бие даах чадвартай болгож байлаа.