Хятад улс импортын гаалийн тарифаа бууруулж эхэллээ
БНХАУ хөлдөөсөн гахайн махны импортын гаалийн татварын хэмжээг 12 хувиас 8 хувь, том савалгаатай, хөлдөөгөөгүй жүржийн шүүсийн импортын гаалийн тарифыг 30 хувиас 15 хувь хүртэл тус тус бууруулж, астма өвчнийг эмчлэх эм, чихрийн шижингийн шинэ эм үйлдвэрлэх түүхий эдийн гаалийн татварыг тэглэлээ.
2020 оны 1 дүгээр сарын 1-нээс эхлэн энэ мэт 859 нэр төрлийн бараа бүтээгдэхүүний импортын татварын урьдчилсан хэмжээг хэрэгжүүлж, нээлтэй бодлогоо өргөжүүлэх шинэ арга замыг хэрэгжүүлэх болно гэдгээ мэдэгдээд байна.
Сүүлийн жилүүдэд тус улс импортыг өргөжүүлэх чиглэлээр олон арга хэмжээ аваад байна. Тухайлбал 2018 онд татварын 4 удаагийн хөнгөлөлт үзүүлсэн нь тарифын нийт түвшинг өмнөх оны 9.8 хувиас 7.5 хувь болгон бууруулж, ААН болон хэрэглэгчдийн татварын ачааллыг 70 орчим тэрбум юанаар бууруулсан байна.
2019 оны 11 дүгээр сард хоёр дахь удаагаа зохион байгуулсан импортын бараа бүтээгдэхүүний үзэсгэлэнд нийт 181 улс, бүс нутаг, олон улсын байгууллагууд болон 3800 гаруй компани оролцсон нь Хятадын импорт болон олон улсын арилжааг дэмжсэн чухал платформ болсон байна.
Эх сурвалж: https://baijiahao.baidu.com/
Бэлтгэсэн Б.Байгалмаа
