ТАНХИМ БИЕ ДААН ШИЙДВЭР ГАРГАХ ЭРХТЭЙ БОЛОВ

Худалдааны танхим байгуулагдснаар гадаад худалдаанд томоохон дэвшил гарч, хөрөнгөтөн орнуудтай худалдаа эрхлэх болов. 1980 оны дунд үеэс дэлхийн эдийн засагт шинэ эргэлт гарч, улс орнууд шинэ цаг үе, шинэ харилцааны өмнө ирсэн байхад Худалдааны танхимын зохион байгуулалт урьдын адил Гадаад худалдааны яамны харьяанд байж, тус яамны дотоод аппарат шиг, заримдаа системийн харьяа байгууллага шиг ажиллаж байв.
Тиймээс Худалдааны танхимын удирдлагууд МАХН-ын Төв хорооны Улс төрийн товчоонд худалдааны танхимын дүрэмд өөрчлөлт оруулж, танхимыг зөвлөлгүй болгох, албаны ажил хэргийн асуудал, шийдлийг танхимын Тэргүүлэгчдийн хурлаар шийдвэрлэж байх хүсэлтийг тавьж байжээ.
Ингээд /1989.02.14/ БНМАУ-ын Сайд нарын зөвлөл тогтоол гарган, Худалдааны танхимыг Монголын Худалдаа Аж Үйлдвэрийн Танхим хэмээн өөрчлөн нэрлэж, Засгийн газрын харьяаны бус хагас төрөлжсөн худалдааг дэмжих бие даасан байгууллага болгон тусгаарлаж байлаа.
Танхим анх удаа 1989 онд Монгол Улсын эдийн засаг, гадаад харилцааны тоймоор Монгол Улсад суугаа гадаад орнуудын худалдаа, эдийн засгийн аппаратын ажилтнуудад тойм мэдээг Монгол, Орос, Англи хэл дээр бэлтгэн хэвлэн тараажээ.