СОЛОНГОСЫН KW CONCRETE PUMP, МОНГОЛЫН ТАЛААС ПОМП СЕРВИС КОМПАНИУД ХООРОНД ХАМТРАН АЖИЛЛАХ САНАМЖ БИЧИГ БАЙГУУЛЛАА
БНСУ-ын барилгын болон хүнсний үйлдвэрийн тоног төхөөрөмж үйлдвэрлэгч, Тухайлбал өндөр хүчин чадалтай бетон шахуурга үйлдвэрлэл, хий хангамжийн тоног төхөөрөмж, холболт, угсралтын хэрэгсэл, хөдөө аж ахуйн салбарын бизнес эрхлэгчид хүрэлцэн ирж бизнес уулзалт хийв.
Уулзалтыг нээж МҮХАҮТ-ын Гүйцэтгэх захирал Ц.Магнайбаатар, MYXAYT нь бизнес эрхлэгчдийн бизнесийн гүүр болж, гадаад худалдааг дэмжих чиглэлд анхааран ажилладгийн хувьд Солонгосын Худалдаа аж үйлдвэрийн танхим, худалдааг дэмжих байгууллагуудтай уялдаа холбоогоо улам бэхжүүлэн, хоёр орны эдийн засгийн хамтын ажиллагааг шинэ түвшинд гаргах чиглэлд идэвхтэй харилцан итгэлцэл, урт хугацааны түншлэлд хүрэхийн тулд 2 улсын бизнес эрхлэгчид хамтын ажиллагааны энэхүү уулзалтууд хийж байгаад талархал илэрхийлээд гадаад худалдааны мэдээллийн талаар товч танилцууллаа.
Тэрээр, Монгол улсын гадаад худалдааны нийт орлого 2024 онд 27.4 тэрбум ам долларт хүрсэн ба үүний 2 хувь ба нийт 534.9 сая ам.долларын худалдааг БНСУ-тай хийсэн байна. Мөн 2024 онд Монгол улсаас БНСУ-руу нийт 52.6 сая ам.долларын бараа буюу молибдены хүдэр баяжмал, сүлжмэл цамц, свитер, жилет зэрэг бүтээгдэхүүн экспортолсон байна. БНСУ-аас Монгол улсад 2024 онд 482.3 сая ам.долларын ачааны автомашин, янжуур тамхи, нефтийн бүтээгдэхүүн импортлосон байна гэдгийг хэлээд уулзалтын үйл ажиллагаанд амжилт хүслээ.
Уулзалтад Солонгосын талаас 7 компанийн 35, Монголын талаас барилга болно хүнсний салбарын 30 гаруй бизнес эрхлэгчид оролцлоо.
