МОНГОЛ-КАЗАХСТАНЫ АЖИЛ ХЭРГИЙН ЗӨВЛӨЛИЙН II-Р ХУРАЛДААН БНКазУ-ЫН АСТАНА ХОТОД БОЛЛОО

Монгол-Казахстаны ажил хэргийн зөвлөлийн II-р хуралдаан Бүгд Найрамдах Казахстан Улсын Астана хотод боллоо. Тус хуралдаанд Монголын бизнесийн салбарыг төлөөлөн МҮХАҮТ-ын Ерөнхийлөгч Б.Лхагважав, Ерөнхий нарийн бичгийн дарга Б.Саруул болон холбогдох ажилтнууд, аж ахуйн нэгжийн төлөөлөл оролцлоо.

МҮХАҮТ-ын Ерөнхийлөгч Б. Лхагважав, Сүүлийн жилүүдэд Монгол, Казахстаны худалдаа, хөрөнгө оруулалт, бизнесийн харилцаа тогтвортой өсөж байгааг тэмдэглэхэд таатай байна. Тухайлбал, 2024 онд хоёр орны худалдааны эргэлт өмнөх онтой харьцуулахад 13 гаруй хувиар өссөн нь бидний стратегийн түншлэлийн бодит илэрхийлэл бөгөөд хамтын ажиллагаа өргөжиж буйг харуулж байна. Энэ эерэг чиг хандлага нь цаашид худалдаа, эдийн засгийн хамтын ажиллагааг шинэ түвшинд гаргах өргөн боломжийг бидэнд олгож байна гэдгийг дурдлаа.

МҮХАҮТ-ын Ерөнхийлөгчийн зөвлөх М.Сарандаваа Монгол Улсын бизнес, хөрөнгө оруулалтын орчин, Менежмент Форум ТББ-ын Гүйцэтгэх захирал Н.Монсор Хөрөнгө Оруулалтын Туршлага, Их Үрчин ХХК-ийн Захирал Ц.Ганзориг “Цөлжилтийн эсрэг бизнесийн боломж, Доктор Авто Сүлжээ ХХК-ийн Гүйцэтгэх захирал З.Чинзориг Монгол бизнесүүдэд харагдаж буй Төв Азийн зах зээлийн боломж сэдвээр тус тус илтгэл танилцуулга хийн саналаа солилцов.

Хуралдааны үеэр Сээкл, Pladis Kazaкhstan, МҮСҮБИ ХХК Maloman Home Video зэрэг компаниуд хооронд хамтран ажиллах санамж бичиг үзэглэлээ.