МОНГОЛ-КАЗАХСТАНЫ АЖИЛ ХЭРГИЙН ЗӨВЛӨЛИЙН II-Р ХУРАЛДААН БНКазУ-ЫН АСТАНА ХОТОД БОЛНО

Бүгд Найрамдах Казахстан Улсын Парламентын доод танхим Мажилисийн дарга Е.Ж.Кошановын урилгаар Монгол Улсын Их Хурлын дарга Д.Амарбаясгалангийн 2025 оны 09 дүгээр сарын 04-07-ны өдрүүдэд тус улсад хийж буй албан ёсны айлчлалд Монголын бизнесийн салбарыг төлөөлөн МҮХАҮТ-ын Ерөнхийлөгч Б.Лхагважав болон холбогдох ажилтнууд, аж ахуйн нэгжийн төлөөлөл оролцохоор Астана хотыг зорилоо.

Айлчлалын хүрээнд МҮХАҮТ-ын Ерөнхийлөгчийн зөвлөх М.Сарандаваа Монгол Улсын бизнес, хөрөнгө оруулалтын орчин, Менежмент Форум ТББ-ын Гүйцэтгэх захирал Н.Монсор Хөрөнгө Оруулалтын Туршлага, Их Үрчин ХХК-ийн Захирал Ц.Ганзориг “Цөлжилтийн эсрэг бизнесийн боломж, Доктор Авто Сүлжээ ХХК-ийн гүйцэтгэх захирал З.Чинзориг Монгол бизнесүүдэд харагдаж буй Төв Азийн зах зээлийн боломж сэдвээр тус тус илтгэл танилцуулга хийн саналаа солилцох юм.

Айлчлалын зорилго нь Монгол Улс, Бүгд Найрамдах Казахстан Улс хоорондын Стратегийн түншлэлийн харилцааг бэхжүүлэх, хууль тогтоох дээд байгууллага хоорондын хамтын ажиллагааг гүнзгийрүүлэх аж.