ТАТВАРЫН 1%-ИЙГ БОЛОВСРОЛ, ЭРҮҮЛ МЭНДИЙН САЛБАРТ ХӨРӨНГӨ ОРУУЛАЛТ ХИЙХ АСУУДЛААР ЭМНЭЛГИЙН УДИРДЛАГУУДТАЙ УУЛЗАЛТ ХИЙЖ БАЙНА
Монгол Улсын Ерөнхий сайдын зүгээс татварын 1%-ийг боловсрол, эрүүл мэндийн салбарт хөрөнгө оруулалт хийх асуудлаар Ерөнхий сайдын ажлын алба, Боловсролын яам, Эрүүл мэндийн яамнаас боловсрол, эрүүл мэндийн салбарт хувийн хэвшлийн дэмжлэгтэй хэрэгжүүлэх шаардлагатай төсөл, хөтөлбөрүүд болон 2026 онд хамтран ажиллах боломжуудын талаар танилцуулах уулзалтыг яг одоо МҮХАҮТ-ын хурлын танхимд зохион байгуулж байна.
Уулзалтад УГТЭ, ХӨСҮТ, СЭМҮТ, ХСҮТ зэрэг эмнэлгийн удирдлагууд нөхцөл байдал, нэн шаардлагатай тулгамдаж буй асуудлын талаар танилцуулга хийн, МҮХАҮТ-ын гишүүн байгууллага аж ахуйн нэгжийн төлөөлөл оролцон хэрхэн хамтран ажиллах боломж байгаа талаараа саналаа солилцлоо.
Мөн эрүүл мэнд, Боловсролын яамнаас хөрөнгө оруулах шаардлагатай төслүүдийн жагсаалтыг МҮХАҮТ-д ирүүлж аж ахуйн нэгжүүдэд танилцуулахаар тогтов.
