“НЭГ БҮС – НЭГ ЗАМ” УЛС ОРНУУДЫН ТАНХИМУУДЫН ТӨЛӨӨЛӨГЧДИЙН ЖИЛИН МУЖ ДАХЬ УУЛЗАЛТ БОЛЛОО
БНХАУ-ын Жилин мужийн Чанчунь хотод “Нэг бүс – Нэг зам”-ыг хамтран бүтээж, өндөр чанартай хөгжилд хамтдаа хүрэх нь” сэдэвт “Нэг бүс – Нэг зам” улс орнуудын танхимуудын төлөөлөгчдийн уулзалт амжилттай болж өндөрлөв.
Уулзалтаар Жилин муж болон олон улсын компаниуд худалдаа, хөрөнгө оруулалт, хамтын ажиллагааны гэрээ, санамж бичгүүдэд гарын үсэг зурж, бүс нутгийн хамтын ажиллагааны шинэ төслүүдийг эхлүүлэхээс гадна Жилин муж болон “Нэг бүс – Нэг зам” дагуух улс орнуудын эдийн засаг, худалдаа, хөрөнгө оруулалтын хамтын ажиллагааг өргөжүүлэх, шинэ боломжуудын талаар ярилцлаа.
Энэхүү уулзалтад дэлхийн 60 улсын худалдааны танхим, бизнесийн холбоо, нийгэмлэгийн төлөөлөгчид, аж ахуйн нэгжүүдийн удирдлагууд оролцсон ба МҮХАҮТ-ын гүйцэтгэх захирал Ц.Магнайбаатар “Монгол Улсын худалдаа, эдийн засгийн орчин болон Хятад-Монголын бизнесийн хамтын ажиллагааны боломжууд” сэдвээр илтгэл тавьсан нь оролцогчдын сонирхлыг ихээр татав.
Энэхүү арга хэмжээг Жилин мужийн Ардын Засгийн газар болон БНХАУ-ын Олон улсын худалдааг дэмжих хороо (CCPIT) хамтран Жилин мужийн Олон улсын худалдааг дэмжих хороо зохион байгууллаа.
