ҮЗЭСГЭЛЭНД ОРОЛЦОГЧ ЭМЭГТЭЙЧҮҮДИЙН ДИЙЛЭНХ ХУВЬ НЬ БИЗНЕСИЙН САЛБАРТАА МАНЛАЙЛЖ БУЙ БАЯЛАГ БҮТЭЭГЧ, ХӨРӨНГӨ ОРУУЛАГЧИД БАЙВ

Монгол Улсын Ерөнхийлөгч Ухнаагийн Хүрэлсүхийн ивээл дор зохион байгуулагдсан “Дэлхийн бизнес эрхлэгч эмэгтэйчүүдийн чуулга уулзалт"-ын хүрээнд "Олон улсын бизнес эрхлэгч эмэгтэйчүүдийн бараа бүтээгдэхүүний үзэсгэлэн худалдаа" Сүхбаатарын талбайд 3 өдрийн турш болж  өндөрлөлөө.

Үзэсгэлэнд дотоодын 112 бизнес эрхлэгч, аж ахуйн нэгж байгууллагааас гадна ОХУ, БНСУ, БНАВУ, Туркменистан зэрэг улсаас 20 гаруй ААН өөрсдийн үйлдвэрлэсэн бараа бүтээгдэхүүнээ борлуулан  танилцуулж, түншийн харилцаагаа өргөжүүлэн оролцсон ба нийт 200 000 000 /хоёр зуун сая/ төгрөгийн борлуулалтыг хийж чаджээ.

Үзэсгэлэнд оролцсон  аж ахуйн нэгжийн 90 гаруй хувь нь эмэгтэй бизнес эрхлэгчид бөгөөд тэд өөрсдийн салбар салбартаа үйлдвэрлэл, үйлчилгээ. шинэ техник технологи ашиглан  брэнд болгосон бараа бүтээгдэхүүнээ олон нийтэд сурталчилан таниулахад тусалж дэмжин үзэсгэлэн зохион байгуулж оролцуулахаас гадна, чуулганд оролцуулан  ялангуяа бизнесээ чадавхжуулахад олон улсын туршлага судлан, шинэ боломж, шинэ түншлэлийн харилцаагаа өргөжүүлэх боломж олгосонд талархаж байгааг дурдлаа.