“МОНГОЛ-ХЯТАДЫН V ЭКСПО” ҮЗЭСГЭЛЭН БНХАУ-ЫН ӨВӨР МОНГОЛЫН ӨӨРТӨӨ ЗАСАХ ОРОН (ӨМӨЗО)-Ы ХӨХ ХОТНОО ЭХЭЛЛЭЭ
Энэ удаагийн уулзалтыг Өвөр Монголыг БНХАУ-ын умардад чиглэсэн нээлттэй чухал гарц, бүс нутгийн чухал үүрэгтэй давуу талд тулгуурлан, Монгол-Хятадын Экспогийн платформыг бүрэн ашиглах зорилгоор зохион байгуулж байна. Үүний хүрээнд Монгол,Хятадын төр, хувийн хэвшил, боловсролын салбарын шилдэг төлөөллүүдийг нэг дор цуглуулж, уул уурхай, эрчим хүч, дэд бүтэц, хөдөө аж ахуйн зэрэг талуудын хамтын сонирхол бүхий эдийн засаг, худалдааны асуудлаар "оюуны шуурга” ын хэлэлцүүлэг өрнүүлнэ. Энэхүү арга хэмжээ нь тэгш харилцаа, харилцан туслалцаа, хамтын хүч чармайлтанд тулгуурлаж, харилцан санал солилцох, хэлэлцэх зорилготой. Үүний үр дүнд талуудын ойлголцлыг гүнзгийрүүлж, солилцооны суваг, хамтын ажиллагааны хэлбэрийг баяжуулж, Монгол-Хятад эдийн засаг, худалдааны хамтын ажиллагааг чанартай хөгжүүлэхэд хамтдаа дэмжлэг үзүүлэх юм.
Тус экспод МҮХАҮТ-ын Ерөнхийлөгч Б.Лхагважав, Гүйцэтгэх захирал Ц.Магнайбаатар нар оролцон Монгол улсын бизнесийн орчин ба боломж сэдвээр илтгэл тавьж, Шинхуа агентлаг, ӨМӨЗО Одон телевиз, Өвөрмонголын телевизд гадаад худалдаа цаашдын хамтын ажиллагааны талаар ярилцлага өглөө.
МҮХАҮТ-ын Ерөнхийлөгч Б.Лхагважав ярилцлагадаа, Энэ 5 дахь экспод оролцож байгаа бүх хүмүүст мэнд хүргэж, баяр хүргэе.Миний хувьд 10 жилийн өмнө анхны экспод оролцож байсан. Өнөөдөр бизнесийнхэн болоод Монгол улсын хувьд маш их амжилт ахиц гарсан байна. Зөвхөн тоон дүн хэд дахин өссөн нь их чухал. Танхим уламжлалт бүх үйл ажиллагаанд идэвхтэй оролцож, гол нь арван жилийн өмнө тарьсан хөгжлийн модныхоо үр жимсыг авчирлаа. Одоо эхлэж байгаа зүүн хойд, төв азийн хөгжилд энэ экспо, чуулганы үйл ажиллагаа чухал нөлөө үзүүлж байна. Хойд зүг рүү нээлтэй байх бодлого Монгол Улсын дэд бүтцийн хөгжилд түлхүүр болно. Дэд бүтэц л асар чухал, цахим хөгжил бол бидний хурд юм. Өнөөдөр дэлхийн худалдааны дүрэм асар хурдан өөрчлөгдөж бидний хамтын ажиллагааг шинэ аргаар ухаалгаар оршин тогтнохыг шаардаж байна. Компаниудын цаашид хамтран ажиллахад хөгжлийн түвшинг ойртуулах, ялангуяа танхим хоорондын харилцааг дараагийн шатанд гаргах стратеги гэдгийг хэллээ.
Энэ удаагийн экспод Монгол, Хятад хоёр талын уул уурхай, эрчим хүч, дэд бүтцийн хөгжил, хөдөө аж ахуй зэрэг салбарын холбогдох төрийн байгууллага, аж ахуйн нэгж, судалгааны байгууллага, их дээд сургууль, салбарын холбоодын төлөөлөл болон Монгол Улсаас 350 гаруй аж ахуйн нэгж ноос, ноолуур, арьс шир, гоо сайхан, бэлэг дурсгал, арьсан эдлэл, хүнс зэрэг 700 гаруй нэр төрлийн органик бараа бүтээгдэхүүнтэй оролцож байгаа юм.
