MNS ISO/IEC 17025:2018 СТАНДАРТЫН СУРГАГЧ БАГШ БЭЛТГЭХ СУРГАЛТ АНХ УДАА ЗОХИОН БАЙГУУЛАГДЛАА

МҮХАҮТ-ын дэргэдэх Итгэмжлэгдсэн лабораториудын зөвлөлөөс Үндэсний итгэмжлэлийн төвтэй хамтран анх удаагаа MNS ISO/IEC 17025:2018 стандартын сургагч багш бэлтгэх сургалтыг 2025 оны 08 дугаар сарын 21-23-ны өдрүүдэд амжилттай зохион байгууллаа.

Сургалтын зорилго нь лабораторийн итгэмжлэлийн олон улсын жишиг стандарт болох ISO/IEC 17025:2018-ийг мэргэжлийн түвшинд заах, түгээн дэлгэрүүлэх сургагч багш нарыг бэлтгэхэд оршив. Уг сургалтанд салбартаа манлайлан ажиллах хүсэл эрмэлзэлтэй, мэдлэгийн суурьтай, туршлагатай ажилтнуудыг сонгон хамруулсан бөгөөд оролцогчид стандартын онолын үндэс, хэрэгжилтийн аргачлал, дадлага сургуулилт зэрэг цогц хөтөлбөртэй. Энэхүү сургалт нь Монгол Улсад итгэмжлэгдсэн лабораториудын чадавхийг нэмэгдүүлж, стандартын зөв хэрэгжилтийг хангах чухал алхам боллоо. Цаашид сургагч багш нар өөрсдийн байгууллага болон салбартаа мэдлэг, арга туршлагаа түгээж, лабораторийн чанарын удирдлагын тогтолцоог бэхжүүлэхэд бодит хувь нэмэр оруулах юм.