БНХАУ-ЫН ЖЭЖЯАН МУЖИЙН БИЗНЕСИЙН ТӨЛӨӨЛӨГЧДИЙН УУЛЗАЛТ БОЛЛОО
БНХАУ-ын Жэжяан мужийн бизнесийн төлөөлөгчдийн уулзалт 2025 оны 8 сарын 21-ний өдөр МҮХАҮТ дээр зохион байгуулагдлаа.
Уулзалтыг нээж МҮХАҮТ-ын Гүйцэтгэх захирал Ц.Магнайбаатар хэлсэн үгэндээ БНХАУ бол Монгол Улсын хамгийн том худалдааны түнш бөгөөд хоёр орны хоорондын эдийн засаг, бизнесийн хамтын ажиллагаа жилээс жилд өргөжин тэлж, хоёр улсын нийт худалдааны эргэлт сүүлийн арван жилд 2.8 дахин өссөн үр дүнтэй байгаа нь цаашид эдийн засгийн харилцааг улам өргөжүүлэх боломж байгааг бидэнд харуулж байна гэж онцлов.
Мөн уузалтад Монгол Улсын Эдийн засаг, хөгжлийн сайдын гадаад худалдаа, экспортын бодлого хариуцсан зөвлөх Б.Дашравдан, БНХАУ-ын Жэжяан муж дахь МҮХАҮТ-ын төлөөлөгч, Шинбан группийн ТУЗ-ийн дарга Чэн Чяан нар мэндчилгээ дэвшүүллээ. Уулзалтын үеэр МҮХАҮТ-ын танилцуулгыг Гадаад худалдааны бичиг баримт баталгаажуулах газрын дарга Э.Бадамхорол, Эдийн засгийн нөхцөл байдал, хөгжлийн төслүүдийн танилцуулгыг ЭЗХЯ-ны Хөрөнгө оруулалтын бодлогын газрын Хөгжлийн төсөл, Хөрөнгө оруулалтын удирдлагын хэлтсийн дарга Б.Төгөлдөр, Монгол Улсын хөрөнгө оруулалтын орчин, боломжууд сэдвээр Хөрөнгө оруулалт худалдааны газрын Мэдээлэл харилцааны хэлтсийн дарга Б. Зандан нар илтгэл мэдээлэл хийв.
Уг арга хэмжээнд БНХАУ-ын 40 гаруй, Монгол Улсын ноос, ноолуур, барилга, цонх, шилэн хийцийн үйлдвэрлэл, банк санхүү, сэргээгдэх эрчим хүч, тавилга, гар урлал, аялал жуулчлалын салбарын төлөөлөл компаниуд оролцов.
Мөн уулзалтын хүрээнд Налайх хотын хөгжлийн корпораци ОНӨААТҮГ-ын танилцуулгыг Налайх хотын хөгжлийн корпораци ОНӨААТҮГ-ын захирал Д.Цэнд, Голомт банкны танилцуулга-Гадаад худалдааны төлбөр тооцоо сэдвээр Голомт банкны байгууллагын газрын бизнес хамтын ажиллагааны хэлтсийн захирал А.Нямсүрэн, Аялал жуулчлалын салбарын бизнес, хөрөнгө оруулалтын боломжийн талаар МҮХАҮТ-ын дэргэдэх Аялал жуулчлалын зөвлөлийн дарга Б.Барсболд, Улаанбаатар хотын анхны машингүй орон сууц төслийн танилцуулгыг Ай Ди Си Ай группын ерөнхий захирал Э.Ванчиндорж нар тус тус танилцууллаа.
Мөн энэхүү арга хэмжээний хүрээнд БНХАУ-ын төлөөлөгчид МҮХАҮТ-ын гишүүн Алтан жолоо групп, Гоёл кашмир ХХК, Очир дагинас ХХК болон Чингис хаан хөрөнгийн биржийн үйл ажиллагаатай танилцлаа.
