Мах экспортлох ажлыг түргэн шуурхай хэрэгжүүлэх талаар махны холбоо болон үйлдвэрлэгч нартай бодит шийдлийн талаар хэлэлцлээ
МҮХАҮТ-ын Ерөнхийлөгч Б.Лхагважав, Ерөнхий нарийн бичгийн дарга Б.Саруул нар Бүгд Найрамдах Узбекистан Улсын Хөрөнгө оруулалт, аж үйлдвэр, худалдааны орлогч сайд Илзат Касымов тэргүүтэй төлөөлөгчдийг өнөөдөр хүлээн авч уулзлаа.
Монгол Улсын Ерөнхийлөгч У.Хүрэлсүх 2024 оны 06 дугаар сард Бүгд Найрамдах Узбекистан Улсад хийсэн төрийн айлчлалын хүрээнд Монгол Улсаас Узбекистан Улс руу 100 мянган толгой амьд мал экспортлох хэлэлцээр байгуулагдсан.
Энэхүү хэлэлцээрийн хэрэгжилтийг хангах зорилгоор Бүгд Найрамдах Узбекистан Улсын Хөрөнгө оруулалт, аж үйлдвэр, худалдааны орлогч сайд Илзат Касымов Монголын махны холбоо болон холбогдох ААН-үүдын төлөөлөлтөй МҮХАҮТ-д уулзалт хийлээ.
Уулзалтад Монголын 7 бизнес эрхлэгчид оролцож, өөрсдийн үйл ажиллагаа болон компаниа танилцуулан Узбекистан улстай хамтран ажиллах боломжуудын талаар санал солилцсон юм.
