СЕО CLASS СУРГАЛТ ЗОХИОН БАЙГУУЛАГДНА

Аж ахуй нэгжийн менежментийг сайжруулах, менежментэд тулгарч буй асуудлыг шийдвэрлэх , удирдах дээд шатны албан тушаалтан, ерөнхий болон гүйцэтгэх захирлуудад зориулсан сургалт

ЗОРИЛГО: 
Энэхүү сургалтаар богино хугацаанд Япон маягийн менежмент, Комплаенс, Стратегийн менежмент, Маркетинг, Хүний нөөцийн менежмент, Санхүүгийн удирдлага, Кайзэн 5S хөдөлгөөн гэсэн үндсэн 7 сэдвээр суралцаж, компанийн менежментийн талаар цогц мэдлэг, чадварыг эзэмшиж, байгууллагадаа амжилттай хэрэгжүүлэх арга замуудаас суралцана. Удирдлагын ангид нэмэлтээр ахисан түвшний нэг сэдэв хичээл сонгон суралцана.

Сургалтын давуу тал болон боломж
МҮХАҮТ болон Монгол-Японы төв хамтран аж ахуйн нэгжийн менежментийг сайжруулах, менежментэд тулгарч буй асуудлыг шийдвэрлэх, удирдлагуудын чадварыг дээшлүүлэх зорилготойгоор компанийн удирдах дээд шатны албан тушаалтнуудад зориулан онол, практикт тулгуурласан бизнесийн үр дүнтэй сургалтуудыг зохион байгуулж байна. Тус сургалтанд хамрагдсанаар: 
• 23 жилийн туршлага
• Салбар бүрээр мэргэшсэн арвин туршлагатай япон, монгол багш нар
• Онол, дадлага хосолсон практик сургалтаар олж авах бодит үр дүн
• Япон улсад дадлага сургалтад хамрагдах боломж
• МУИС-ийн Бизнесийн сургуулийн магистрын хөтөлбөрт кредит тооцуулах боломж
Монгол-Японы төвийн Бизнесийн үндсэн сургалт төгсөгч нь МУИС-ийн Бизнесийн
сургуультай байгуулсан“Магистрын хөтөлбөрт кредит тооцуулах тухай гэрээ”-ний дагуу 2018-2019 оны хичээлийн жилээс эхлэн Үндсэн сургалтаар сурсан 4 сэдэв хичээлээ нийт 8 кредитээр тооцуулан Бизнесийн менежмент, Хүний нөөцийн менежментийн магистрын хөтөлбөрт дэвшин суралцах боломжтой.
• Үндсэн сургалт төгсөгчдийн холбоонд нэгдэх боломж
Оролцогчид багаар хамтран ажиллах, харилцан туршлага, мэдээлэл солилцох бүрэн
боломжтойгоос гадна МЯТ-ийн үндсэн сургалт төгсөгчдийн 1200 гаруй гишүүнтэй
холбоонд нэгдэх боломжтой.
• Загвар аж ахуйн нэгжийг хөгжүүлэх хөтөлбөрт хамрагдахад давуу тал болно
• Цаашид япон компанитай хамтарч ажиллахад давуу тал болно
• Сургалтын үндсэн агуулгаас гадна нэмэлтээр Японы соёл, зан заншил, менежментийн
талаар баримтат кино үзэх
Хугацаа: 2025.09 сар-12 сар
Хамрагдах хүмүүс: • Аж ахуйн нэгжийн удирдах дээд шатны албан тушаалтан, ерөнхий болон гүйцэтгэх захирлууд.
Компанийн үндсэн ажилтны тоо 10-аас олон байх шаардлагатай.
Хамрагдах хүний тоо: 35 хүн
Сургалтын төлбөр: 2,151,000₮
Япон багштай сургалтууд монгол орчуулгатай явагдана.
Бүртгүүлэх дараалал:
1.    Доорх QR кодыг уншуулж мэдээллээ оруулан ярилцлагын өдөр цагийг сонгох

2. Бүрдүүлэх материалуудыг мэйлээр явуулах
3. Монгол-Японы төв дээр өөрийн биеэр ирж ярилцлаганд орох
Бүрдүүлэх материал:
Доорх материалуудыг бүрдүүлж, ярилцлагад орохоос өмнө
business@japan-center.edu.mn хаяг руу явуулна уу.
• Нэг хувь цээж зураг(сүүлийн 6 сарын дотор авахуулсан байх)
• Компанийн танилцуулга (англи эсвэл япон хэлээр байвал сайн)
• Ажлын газрын тодорхойлолт (Заасан хугацаанд сургалтад суухыг зөвшөөрсөн байх)

Бүртгүүлэхэд анхаарах зүйлс:
• Сургалтын хуваарь танд тохирох эсэхийг сайтар нягталсны үндсэн дээр бүртгүүлнэ үү!
• Компанийн менежментийг сайжруулах зорилготой сургалт тул хувиараа бизнес эрхлэгчид болон төрийн албан хаагчид сургалтад хамрагдах боломжгүйг анхаарна уу!
• Бүртгүүлсэн хүний тоо их байх тохиолдолд бичиг баримт болон ярилцлагыг үндэслэн сонгон шалгаруулалт явагдана.
• Зөвхөн тэнцсэн хүмүүст 2025.08.27-ны өдөр бүртгүүлсэн и-мэйл хаягаар болон утсаар хариу мэдэгдэнэ.
Бүртгэлийн хугацаа: 2025.07.07-2025.08.22-ны 17:00 цаг хүртэл материалыг хүлээж авна.
Бүртгүүлэх газар: Монгол-Японы хүний нөөцийн хөгжлийн төв
Хариуцсан ажилтан: Б.Эрдэнэсайхан

Утас: 7511-0879 (Ext.3), 8063-0879
Цахим шуудан: business@japan-center.edu.mn
Цахим хуудас: www.japan-center.edu.mn
Фэйсбүүк хуудас: www.facebook.com/Mojc.business/