Аз жаргалыг үйлдвэрлэнэ уриатай Түмэн шувуут ХК нь МҮХАҮТ-ын Спонсор гишүүнээр элсэж, гэрчилгээг Гүйцэтгэх захирал Ц.Магнайбаатар гардуулан өглөө.

Аз жаргалыг үйлдвэрлэгч Түмэн шувуут ХКомпани нь анх 2004 онд үйл ажиллагаагаа эхэлсэн. Энэ цаг мөчөөс эхлэн бид шувууны аж ахуй эрхлэж Монгол Улсын дотоодын өндөгний үйлдвэрлэлийн 30 гаруй хувийг бэлтгэн нийлүүлж байна.Шувууны аж ахуйхаа хэрэгцээг шаардлагыг хангах үүднээс бид 100 хувь Монгол Улсын хөрөнгө оруулалттайгаар өндөгний үүрний үйлдвэрлэл болон малын тэжээлийн үйлдвэрлэлийг эрхлэн үйл ажиллагаагаа улам өргөжүүлэн, эрүүл экологийн бүтээгдэхүүнээр амьдралын чанарыг дээшлүүлэхээр зорин ажиллаж байна.

Шувууны аж ахуй нь хуучнаар Шувуун фабрикт байрлан нийт 18 га газар эзэмшин 13000м2 талбай бүхий үйлдвэрийн барилга байгууламжтай ба нийт 350 000 өндөглөгч тахиатай, нэг ээлжиндээ 80 000 толгой дэгдээхэй бойжуулах, 153 600 ширхэг өндөг дарах хүчин чадал бүхий инкубаторын цехтэй өдөрт 200 000 ширхэг өндөг үйлдвэрлэн худалдан борлуулдаг бөгөөд орчин үеийн техник технологийг нэвтрүүлсэн бүрэн автомажсан тоног төхөөрөмжтэй үйлдвэр юм.

Бид шувууны аж ахуйгаас бэлтгэн нийлүүлж буй “Түмэн” нэрийн 19 төрлийн бүтээгдэхүүн нь хэрэглэгчдийн сэтгэлд таашаагдсан, эрэлт ихтэй, шинэхэнээрээ хэрэглэгчдийн гарт хүрдэг нь бидний ажлын онцлог юм.

МҮХАҮТ-ын СПОНСОР гишүүн болсноор гадаад худалдааны зөвлөгөө мэдээлэл авах, гадаад худалдааны бичиг баримтын баталгаажуулалт хийлгэх, оюуны өмчийн эрхийн бүртгэл зуучлал, бизнесийн маргааныг эвлэрүүлэн зуучлах үйлчилгээ авах зэрэг олон давуу талуудтай.