Хирошима мужийн Эдийн Засгийн хамтын байгууллагын төлөөлөлүүд Монголын Үндэсний Худалдаа Аж Үйлдвэрийн Танхимд зочлов
Монголын Үндэсний Худалдаа Аж Үйлдвэрийн Танхимын Гүйцэтгэх захирал Ц.Магнайбаатар Монгол Улс дахь Япон Улсын Элчин Сайдын яамны Эдийн засгийн хэлтсийн дарга Оцүка Коки, эдийн засгийн хэлтсийн ажилтан Б.Оюунбуян, М.Энхцогт, Япон Улсын Хирошима мужийн Эдийн Засгийн хамтын байгууллагын төлөөлөлүүдтэй уулзалт хийлээ. Уулзалтад МҮХАҮТ-ын Гүйцэтгэх захирал Ц.Магнайбаатар, холбогдох газар нэгжийн ажилтнуудын хамтаар ,Эдийн Засгийн хамтын байгууллагын захирал Ода Кожи болон дэд захирал Кагава Мотоёши нар ААН-ийн төлөөллүүдийн хамт оролцсон юм.
Энэхүү уулзалт нь Монгол дахь бизнесийн орчин, эдийн засгийн түншлэлийн хэлэлцээр зэрэг сэдвүүдийн хүрээнд болсон бөгөөд энэ сэдвүүдийн хүрээнд хоёр талаас танилцуулга тавьж, асуулт хариултаар үргэлжлэв.
Тус уулзалтад хоёр улсын цаашдын хамтын харилцааны хөгжил, бизнесийн шинэ боломжуудыг эрэлхийлэх зорилгоор Япон Улсын бизнесийн салбарын 40 гаруй төлөөлөгчидөд МҮХАҮТ-ын Эдийн засаг судалгааны институтын дарга О.Түмэн-Амар Монгол Улсын өнөөгийн эдийн засгийн үзүүлэлт болон Монгол Улсад хөрөнгө оруулах голлох салбаруудын талаар илтгэл тавилаа.
Хоёр орны худалдаа, эдийн засаг, бизнесийн хамтын ажиллагааны цар хүрээ, нэр төрлийг нэмэгдүүлэх, өргөжүүлэх, бизнес эрхлэгчдэд хамтын ажиллагааны боломжийг нээж өгөх, өөр хооронд нь холбоход Монголын Үндэсний Худалдаа Аж Үйлдвэрийн Танхим гүүр нь болж хамтын ажиллагааг бодит болгохоор ажиллаж байна.
