БНХАУ-ЫН ӨМӨЗО-НЫ ДОТООД, ГАДААД ХУДАЛДААНЫ ХӨГЖЛИЙГ ДЭМЖИХ НИЙГЭМЛЭГ БОЛОН ААН-ИЙН ТӨЛӨӨЛӨГЧИДТЭЙ УУЛЗЛАА
МҮХАҮТ-ын гүйцэтгэх захирал Ц.Магнайбаатар БНХАУ-ын ӨМӨЗО-ны Дотоод, гадаад худалдааны хөгжлийг дэмжих нийгэмлэгийн ерөнхийлөгч Чэнь Юань, олон улсын тээвэр ложистикийн Глобалворлд вайд ХХК болон аж ахуйн нэгжийн төлөөллийг хүлээн авч уулзлаа.
Уулзалтаар холбооны зүгээс Монгол Улсын бизнес эрхлэгчидтэй хил дамнасан цахим худалдаа, нүүрс, жонш зэрэг уул уурхайн бүтээгдэхүүн худалдах түнштэй холбоо тогтоох, авто замын салбарт хөрөнгө оруулах, тээвэр, логистикийн чиглэлээр хамтран ажиллах боломжуудын талаар саналаа илэрхийлэв.
МҮХАҮТ-ын гүйцэтгэх захирал Ц.Магнайбаатар, хамтран ажиллах чиглэлээр санал тавьж хүрэлцэн ирсэнд талархал илэрхийлээд, Монголын бизнес эрхлэгчдийг дэмжих, гадаад түнштэй холбох гол чиг үүрэгтэй Танхимын зүгээс тус ААН-үүд дэлгэрэнгүй мэдээллээ ирүүлмэгц гишүүн байгууллагууддаа хүргэн дэмжиж, цаашид хамтран ажиллана гэв.
