ЗӨВЛӨХИЙН АЖЛЫН ДААЛГАВАР
Шүгэл үлээх орчны талаар өөрийн үнэлгээний аргачлал боловсруулах
- Зорилго, үндэслэл
“Алсын хараа 2050” Монгол Улсын урт хугацааны хөгжлийн бодлогын Зорилт 5.6-д “Үндэсний шударга ёсны тогтолцоог бэхжүүлэх замаар авлига, албан тушаалын гэмт хэргийг бууруулна”, Монгол Улсын Засгийн газрын 2024-2028 оны үйл ажиллагааны хөтөлбөрийн 4.2.1.3-т “Авлигатай тэмцэх "5Ш" ажиллагааг үргэлжлүүлж, авлига, ашиг сонирхлын зөрчлийг мэдээлэх тогтолцоог хялбаршуулах, энэ төрлийн гэмт хэргийн эсрэг шүгэл үлээгчийг хамгаалах, дэмжих хууль, эрх зүйн орчныг бүрдүүлнэ” гэж тус тус заасан.
Авлигатай тэмцэх үндэсний хөтөлбөрийн Зорилго 4 буюу Хувийн хэвшил авлигыг үл тэвчих соёлыг төлөвшүүлэхэд бизнес эрхлэгчдийн төлөөллийн байгууллага болох Монголын Үндэсний Худалдаа Аж Үйлдвэрийн танхимтай хамтран ажиллаж байна. Арга хэмжээний төлөвлөгөөний 4.1.3.3-т “Компанийн дотоод орчинд шүгэл үлээх орчны талаарх өөрийн үнэлгээ хийх аргачлалыг боловсруулж, бизнес эрхлэгчдэд түгээх” арга хэмжээг хэрэгжүүлэхээр тусгасан.
Хэдийгээр Шүгэл үлээгчийн эрх зүйн байдлын тухай хуулийн төсөл Улсын Их Хурлаар батлагдалгүй хойшлогдсоор байгаа боловч шүгэл үлээгчийг хамгаалах, урамшуулах үйл ажиллагааны хөрс суурь хувийн хэвшилд бүрдээд эхэлжээ. Тухайлбал, гадаадын хөрөнгө оруулагчид Монгол Улсад хөрөнгө оруулахаас өмнө авлигаас урьдчилан сэргийлэх, шүгэл үлээгчийг хамгаалах бодлого, дүрэм журамтай эсэхийг дотоодын аж ахуйн нэгжүүдээс асууж, шаардах болсон. Зарим үндэсний хэмжээний томоохон компаниуд өрсөлдөх чадвараа сайжруулж, бизнесийн нэр хүндээ хамгаалах зорилгын хүрээнд дотооддоо шүгэл үлээгчийг хамгаалах, урамшуулах бодлогыг боловсруулан хэрэгжүүлж байна. Мөн сүүлийн үед төрийн болон хувийн хэвшлийн аж ахуйн нэгжүүд “ISO 37001 Авлигын эсрэг менежментийн тогтолцоо”-г нэвтрүүлэх хүрээнд шүгэл үлээгчийг хамгаалах дүрэм журмыг батлан хэрэгжүүлэх болов.
--оОо--
Зөвлөх нь гэрээнд заасан ажлыг Монгол Улс, Улаанбаатар хотод хийж гүйцэтгэнэ.
Ирүүлэх материал:
- Сонгон шалгаруулалтад орох тухай хүсэлт /Хэрэв байгууллага бол албан бичиг/;
- Судалгаа хийх шинжээчийн CV, диплом, ажлын туршлагын талаарх мэдээлэл;
- Бусад.
/Дээрх материалыг galbadrakh@iaac.mn цахим хаягт 2025 оны 06 дугаар сарын 27-ны дотор хүргүүлнэ./
