ЖИЖИГ, ДУНД ҮЙЛДВЭРЛЭЛ БОЛОН ҮЙЛЧИЛГЭЭНИЙ САЛБАРЫГ ХӨГЖҮҮЛЭХ, ТЭДГЭЭРИЙН ЗАХ ЗЭЭЛД ӨРСӨЛДӨХ ЧАДВАРЫГ ДЭЭШЛҮҮЛЭХЭД ХАМТРАН АЖИЛЛАНА

МҮХАҮТ, жижиг, дунд үйлдвэрлэл болон үйлчилгээний салбарыг хөгжүүлэх, тэдгээрийн зах зээлд өрсөлдөх чадварыг дээшлүүлэх, бүтээмжийг нэмэгдүүлэх, ажлын байр бий болгох зэрэг олон талт хамтын ажиллагааг өргөжүүлэхэд Монголын Жижиг, Дунд Үйлдвэрлэл Холбоотой хамтран ажиллахаар  санамж бичиг байгууллаа.

Санамж бичгийн хүрээнд талууд:

Бизнесийн болон бусад чухал мэдээллийг харилцан солилцох,

Гишүүн байгууллагууд болон бизнес эрхлэгчдийн эрх ашгийг хамгаалах,

Тэдний үйл ажиллагааг олон нийтэд сурталчлан таниулах зэрэг чиглэлээр хамтран ажиллах юм.

МҮХАҮТ-ын Ерөнхийлөгч бөгөөд Удирдах зөвлөлийн дарга Л.Төр-Од, Монголын жижиг, дунд үйлдвэрлэл, үйлчилгээний холбоо ТББ-ын Гүйцэтгэх захирал Б.Батцэцэг нар үзэглэв.